Biblia Todo Logo
Bib sou entènèt

- Piblisite -




Ayṯ-Kulus 1:23 - Ṯarifiṯ 2020

23 Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Gade chapit la Kopi




Ayṯ-Kulus 1:23
72 Referans Kwoze  

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.


Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.


Walakin wenni iǧan nican aḏ iƹic s lʼiman. Meȓa iƹqeb ɣar ḏeffar ataf war xas reṭṭiɣ ca.


Iwa itxeṣṣa war ntiḥeȓ ca ḏi ȓexḏayem n ȓxir. Mayemmi? Ȓaḥeqqac aȓ ȓweqṯ nni nican n umjar a nemjar iƹni meȓa war nefciȓ ca.


Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.


ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ


Walakin nec tseqsiɣ, Ma war sȓin ca? Wah, sȓin. Aqa min iqqar Lkitab: <Ḏi marra ṯamurṯ iffeɣ-d ṣṣut nsen, awaȓen nsen uwḍen aȓ ȓaḥedd n ddunect.>


Lʼamal-a itiȓi ɣarneɣ am yijjen n uȓiyzim n uɣarrabu n ȓaƹmar nneɣ, irseq s jjheḏ war iḍeǧeq. Yuḏef lʼamal-a iƹḏu ɣar ḏeffar n arrwaq n Uxxam Amqeddes Aṭṭas.


X manaya, wami ugiɣ aḏ ṣbareɣ ƹaḏ ktar, ssekkeɣ-d ɣarwem Timutawus bac aḏ ssneɣ lʼiman nwem. Ggwḏeɣ wenni itɣarran tuɣa iɣarr-ikenniw s ibriḏen nnes uca min tuɣa nexḏem jarawem imken iḏweȓ axmi war neggi walu.


Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,


Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.


Ḏinni can iryazen zi Ayṯ-Israʼil teggwḏen Arebbi tzuran ɣar Lquds, niṯni zi marra ṯimura n ddunect-a.


War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.


Jmaƹeṯ-a ḏewȓeɣ ɣares nec ḏ ijjen n uxeddam nnes ƹlaḥsab lwajib nni zi Arebbi iy ḏayi d immucen bac akenniw beccareɣ s wawaȓ ikmaȓ n Arebbi.


Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.


Tettareɣ akiḏec ɣar Siḏi Arebbi ḥima lʼiman nnec war ineqqeṣ ca. Xmi ɣari d ɣa ṯḏewȓeḏ, cejjeƹ ayṯmac."


Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.


Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.


Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.


Tuɣa kenniw ṯeǧam ḏeg yijjen n ubriḏ ɣar zzaṯ mliḥ. Wi kenniw isbedden bac war teggem ca array i lḥaqiqa?


Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.


Inna-asen: "Ruḥem ɣar marra ddunect, beccarem marra ȓegnus s Lʼinjil.


Kenniw, ddehneṯ nni iy zzayes ṯqebȓem ƹaḏ aqat ḏaywem. Kenniw war ṯeḥḏijem ḥadd akenniw iseȓmeḏ, aqa ddehneṯ nnes ṯseȓmaḏ-awem marra ṯimesȓayin. Nettaṯ ḏ ṣṣaḥ maci ḏ axarriq. Iwa mammec iy kenniw ṯseȓmaḏ ddehneṯ-a, amenni itxeṣṣa aḏayes ṯƹicem ḏi netta.


Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.


Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.


X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.


Tcekkareɣ Siḏiṯneɣ Ƹisa Lmasiḥ wenni iy ḏayi yucin jjheḏ nnes yufa ḏayi ttiqeṯ isiḏef-ayi ɣar ȓxeḏmeṯ nnes.


Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.


Neccin lla, neccin ḏ ṯarwa n nhar, aɣarneɣ yiȓi ȓaƹqeȓ. A negg ṯjilit nni n ȓeḥḏiḏ iǧan nettaṯ n lʼiman ḏ ȓemḥibbeṯ. A negg lkask nneɣ iǧan netta ḏ lʼamal n ufekki.


Nessekk-iṯ ḥima uȓa ḏ ijjen war iterjiji ca s ȓemḥayen-a nwem; Aqa ṯessnem belli manaya iy xaneɣ yurin.


Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.


Ḏayes ḏi netta iy imun marra ȓebni n ṯeddarṯ-a tgaƹƹaḏ ḏ icten bac aḏ tiȓi ḏ ijjen n ṯemziḏa ḏ ṯamqeddest i Arebbi.


Qa neccin lla, netraja Arebbi aḏaneɣ isemṣȓaḥ akiḏes s lʼiman, u lʼamal-a nneɣ netta s jjheḏ n Arruḥ iqeddsen.


Ggwḏeɣ, imken marra ȓxeḏmeṯ inu akiḏwem ṯiȓi ḏi ȓbaṭeȓ u ṣafi.


Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.


S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.


Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.


Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.


Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.


Ȓexxu kkar, bedd x iḍaren nnec. Aqa nec meḍhareɣ-ac-d bac ac d ixḍareɣ aḏ tḏewȓeḏ ḏ axeddam inu aḏ tiȓiḏ ḏ ijjen n ccaheḏ x min zzayi teẓriḏ ḏ min ƹaḏ ḏac d ɣa sbeyyneɣ.


Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.


Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.


War izemmar ḥadd aḏ injem bȓa zzayes netta. Liʼanna war ḏinni uȓa ḏ ijjen n yisem nneɣni jar i iryazen ḏi ddunect-a azzayes netwasenjem illa netta."


Akiḏneɣ yiȓi ḏi ȓxeḏmeṯ-a, aḏ iḏweȓ ḏ arrasul ḏeg umcan n Yahuḏa wenni ig isemḥen ḏi ȓxeḏmeṯ-a iruḥ ɣar umcan nnes aƹeffan."


Yahuḏa-ya tuɣa itwaḥsab zzayneɣ, yuḏef akiḏneɣ ḏi ȓxeḏmeṯ n Arebbi.


Itcabbah ḏeg yijjen n uryaz ig ibennan ṯaddarṯ nnes, iɣza aṭṭas igga dsas x uzru. Wami d iḥmeȓ iɣzar iƹḏu x ṯeddarṯ nni, war izemmar at isenhezz minzi ṯebna mliḥ.


S manaya, war ntefciȓ ca minzi ɣarneɣ ȓƹaheḏ-a wanita s arraḥmeṯ n Arebbi.


Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."


Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.


U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.


Swiv nou:

Piblisite


Piblisite