Ayṯ-Kulus 1:22 - Ṯarifiṯ 2020

²² Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Ayṯ-Kulus 1:22 Referans Kwoze

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Ayṯ-Ufasus 1:4

Cuf, ixḍar-aneɣ ḏi Lmasiḥ qbeȓ ma d ixȓeq ddunect-a bac a niȓi neṣfa bȓa ȓƹib zzaṯes.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

1 Ayṯ-Salunik 4:7

Minzi Arebbi war ḏaneɣ d iȓaɣi ca bac a nƹic ḏi min ixenzen; Lla, iȓaɣa-yaneɣ-d a nƹic ḏi min iṣfan.

Luqa 1:75

s wuȓ iṣfa ḏ acemȓaȓ i marra ṯuḏarṯ nneɣ.

2 Ayṯ-Kurinṯ 4:14

Nessen wenni iy d isekkaren Siḏiṯneɣ Ƹisa netta ƹaweḏ aḏaneɣ d isekkar ak Ƹisa aḏaneɣ iseḥḍar akiḏwem zzaṯ nnes.

2 Ayṯ-Kurinṯ 5:18

Manaya marra zi Arebbi, isemṣȓaḥ-aneɣ akiḏes s Lmasiḥ yuca-aneɣ-d a nbeccar s ȓƹaheḏ n ṣṣulḥ.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.