Ayṯ-Galaṭya 3:1 - Ṯarifiṯ 2020

¹ A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Galaṭya 3:1 Referans Kwoze

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.

Ayṯ-Galaṭya 1:6

Nec setƹejjibeɣ ḏaywem, ḏeɣya ṯsemḥem ḏi Arebbi iy ḏawem d iȓaɣan s arḍa n Lmasiḥ ṯḏeffarem can n Lʼinjil nneɣni mzuwwar!

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

Iƹibraniyen 11:8

S lʼiman ikkar nnabi Brahim iṭaƹ-as i Arebbi wami ḏas d iȓaɣa aḏ iraḥ ɣar yijjen n umcan iy ɣa iqbeȓ ḏ lwareṯ. Iffeɣ netta tuɣa war issin ca mani ɣa iraḥ.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Galaṭya 4:9

Walakin ȓexxu kenniw ṯessnem Arebbi, iƹni netta iy kenniw issnen. Mammec teggem ƹaweḏ ṯḏewwaȓem ɣar lqawanin iqḏimen nni iteḍƹifen war itejhiḏen ca? Ma ṯexsem aɣarsen ṯḏewȓem ḏ isemɣan ƹaweḏ niɣ?

Ayṯ-Galaṭya 3:3

Ma ṯbuhȓiyem mliḥ niɣ? Kenniw ṯebḏam mliḥ s ṯzemmar n Arruḥ iqeddsen. Ma ṯrezzum ȓexxu aḏ tkemmȓem s ṯzemmar nwem n bnaḏem?!

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Ayṯ-Ufasus 5:15

Iḏen fa, rajƹaṯ ixef nwem xzareṯ mammec iy ɣa ṯƹicem. Maci aḏ tƹicem am yinni iy ḏi ṯeǧa ȓeqfaȓeṯ; Lla, ƹicem am yinni iy ḏi ṯeǧa ȓefhameṯ.

1 Timutawus 6:4

ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

Ayṯ-Galaṭya 2:14

Wami ṯen ẓriɣ war gguren ca nican ƹlaḥsab lḥaqiqa iy iǧan ḏi Lʼinjil, nniɣ-as i Buṭrus zzaṯsen marra: Cek ḏ aʼisraʼili walakin tƹiceḏ amecnaw iyunaniyen, iƹni maci amecnaw aʼisraʼili. Mammec ɣa ṯeggeḏ aḏ tzeyyareḏ x iyunaniyen bac aḏ ƹicen amecnaw israʼiliyen?

1 Ayṯ-Kurinṯ 11:26

Minzi meȓmi ma ṯeccim zeg uɣrum-a ṯeswim zi ȓkas-a, aqa txebbarem s ȓmewṯ n Siḏiṯneɣ aȓ d ɣa yas.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

Ayṯ-Ruma 6:17

Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican.

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Lwaḥi 18:3

Ȓaḥeqqac marra ȓegnus swin zeg waman n uḍiȓ n lfasad nnes war iḥȓi, fesḏen akiḏes izeǧiḏen n ṯmurṯ. Isebbaben n ṯmurṯ uwin-d aṭṭas n wagȓa zeg ufelles nnes ameqqran."

2 Ayṯ-Salunik 1:8

Aḏ intaqem zeg yinni war issinen ca Arebbi ḏ yinni war itṭiƹin ca i Lʼinjil n Siḏiṯneɣ Ƹisa.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

2 Ayṯ-Kurinṯ 10:5

Netrezza awaȓen ḏ kuȓ array iy ḏi iǧa ttakebbur ig itƹarraḍen i min nessen x Arebbi. Nḥebbes kuȓ lfikra ḥima ataf aḏ tṭaƹ i Lmasiḥ.

Ayṯ-Ruma 10:16

Lʼinjil walakin war ṯ qbiȓen ca marra iwḏan. Aqa min iqqar nnabi Icaƹya zi zman:

Luqa 24:25

Inna-asen Ƹisa: "A yinni war ifhimen ca! A yinni war itimnen ca ḏeɣya ḏi marra min nnan lʼanbiya!

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 7:26

Marra wenni itsȓan i wawaȓ inu war zzayes ixeddem ca, netta am yijjen n ufɣuȓ ibna ṯaddarṯ nnes x yijḏi.

Ȓexḏayem 16:6

Bulus ḏ imeddukaȓ nnes kkin x jwayeh n Frijya ḏ Galaṭya, war ṯen ijji ca Arruḥ iqeddsen aḏ beccaren s wawaȓ n Arebbi ḏi lʼiqlim n Asya.

Ayṯ-Galaṭya 1:2

Tariɣ ṯabrat-a nec ḏ marra ayṯma iǧan akiḏi ɣar ṯjumaƹ n ȓmuminin iǧan ḏi jwayeh n Galaṭya.

Ayṯ-Galaṭya 5:11

Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.