Ayṯ-Galaṭya 1:7 - Ṯarifiṯ 2020

⁷ Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Ayṯ-Galaṭya 1:7 Referans Kwoze

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

Ayṯ-Galaṭya 5:10

Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

2 Ayṯ-Kurinṯ 11:13

Cuf, iryazen am yina tarran ixef nsen ḏ arrusul xeddmen ḏ iɣeddaren, sneƹmiȓen ḏ arrusul n Lmasiḥ.

Ayṯ-Galaṭya 5:12

U yinni iy kenniw iheǧcen x ṭṭahareṯ-a tmenniɣ aḏ raḥen niṯni aḏ qessen ixef nsen!

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

Lwaḥi 20:3

Inḍar-iṯ ḏi ȓaǧeɣ bȓa ȓaḥedd, ibelleƹ xas ṯawwarṯ icemmeƹ-it bac ssenni aȓ ṯsawent war ixeddeƹ ca ȓegnus aȓ ɣa kemmȓen aȓaf n iseggwusa nni. Menbaƹd i manayenni labud aḏ itwaḍȓeq cwayt n ȓweqṯ.

2 Yuḥanna 1:10

Wenni iy ɣarwem d itasen war d itiwi akiḏes ttaƹlim-a, itxeṣṣa-kenniw war ṯ ṯsiḏifem ca ɣar ṯuḏrin nwem war ḏas ṯeqqarem ca ḥetta uȓa ḏ azul.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.

Lwaḥi 2:6

Walakin ṯeggiḏ mliḥ wami ṯƹiffeḏ ȓexḏayem n inikulaṯen iy ƹiffeɣ uȓa ḏ nec.

Lwaḥi 2:2

Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

2 Yuḥanna 1:7

Aqa aṭṭas n iṯarrasen niṯni ḏ iɣeddaren ffɣen-d ɣar ddunect-a, nekkaren belli Ƹisa Lmasiḥ imeḍhar-d s ddat n bnaḏem. Aṯarras-a iy iǧan ammu netta ḏ aɣeddar waha ḏ ddejjal iy iǧa.

1 Yuḥanna 2:26

Uriɣ-awem-d ṯimesȓayin-a x yinni irezzun akenniw xeḏƹen.

2 Timutawus 2:18

Niṯni ffɣen abriḏ n lḥaqiqa qqaren qa ṣafi Yum Lqiyama iwqeƹ, tḍeyyaƹen lʼiman n ȓebƹaḍ n yiwḏan.

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.

Ayṯ-Galaṭya 4:17

Iwḏan-a iseƹƹwajen Lʼinjil, min rezzun? Teggen akiḏwem ȓxir aṭṭas zaƹma walakin ƹlaḥsab aƹeddis nsen imɣaren. Rezzun akenniw kesben bac akenniw sbeƹƹḏen xaneɣ, ṯumma kenniw iy ḏaysen ɣa iggen ȓxir aṭṭas.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Ȓexḏayem 13:10

Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Ayṯ-Galaṭya 1:6

Nec setƹejjibeɣ ḏaywem, ḏeɣya ṯsemḥem ḏi Arebbi iy ḏawem d iȓaɣan s arḍa n Lmasiḥ ṯḏeffarem can n Lʼinjil nneɣni mzuwwar!