Biblia Todo Logo
Bib sou entènèt

- Piblisite -




Ayṯ-Galaṭya 1:4 - Ṯarifiṯ 2020

4 Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Gade chapit la Kopi




Ayṯ-Galaṭya 1:4
56 Referans Kwoze  

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."


Itwasellem ḥima aḏ immeṯ x ȓmuƹṣiyaṯ nneɣ, itwasekkar-d ḥima aḏaneɣ isemṣȓaḥ Arebbi akiḏes.


Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.


Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.


Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.


Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.


Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.


Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.


Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.


War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.


Lƹaḍama i Arebbi Babaṯneɣ i ȓebda n ȓebdaṯ. Amin.


Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.


U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.


Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.


S minzi iy ɣa nessen ȓemḥibbeṯ? Minzi Siḏiṯneɣ iṣeddeq xaneɣ ixef nnes. U ammu ƹaweḏ iy ɣa niȓi newjeḏ a nṣeddeq ixef nneɣ x ayṯmaṯneɣ.


Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.


Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.


A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.


ḏuwqen ƹaweḏ zi lbaraka n wawaȓ n Arebbi ḏ lquduraṯ n zman iy d ɣa yasen.


Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.


Ȓexxu aḏ twaƹaqeb ddunect-a. Ȓexxu Lmufsid nni ameqqran n ddunect-a axas azzȓen.


Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.


Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.


Ȓexxu neccin nessawaȓ x ddunect-a iy tuɣa netraja. Cuf, Arebbi maci i lmalaʼikaṯ umi yuca ȓeḥkam x ddunect-a lla. Aqa ḏinni ijjen n umcan ḏi Lkitab mani icheḏ ijjen x manaya iqqar:


Aḏaneɣ irzem Arebbi Babaṯneɣ abriḏ ɣarwem netta s yixef nnes ak Siḏiṯneɣ Ƹisa.


Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.


Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.


Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.


Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?


Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem


Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.


Nec ig yarewwsen ḏ ṣṣaḥ. Wenni ig yarewwsen ḏ ṣṣaḥ itṣeddaq ṯuḏarṯ nnes x iḥuȓiyen nnes.


Minzi nec hwiɣ-d zeg ujenna, war iǧi ca aḏ ggeɣ min xseɣ; Lla, hwiɣ-d aḏ ggeɣ min ixes wenni iy ḏayi d issekken.


Nec war zemmareɣ aḏ ggeɣ walu zeg yixef inu. Mammec tesȓiɣ, ammu tḥasabeɣ. Lḥisab inu n ȓḥaqq minzi nec war rezzuɣ ca min xseɣ; Lla, rezzuɣ min ixes wenni iy ḏayi d issekken."


Inna: "A Baba, meȓa ṯexseḏ sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."


Mmis n bnaḏem uȓa ḏ netta war d yusi ca ḥima axas xeḏmen yiwḏan; Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."


Ibeƹƹeḏ xasen ṯwaȓa wis ṯnayen, ittar i Arebbi inna: "A Baba, meȓa ȓkas-a n ȓaƹḏab war xafi ṯesbeƹƹḏeḏ ca swiɣ-ṯ, ataf aḏ yiȓi min ixes ȓxaḍar nnec."


Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.


Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.


Ṯumma Arebbi netta itwaȓan min iǧan ḏeg wuȓawen n bnaḏem, issen min itexs Arruḥ iqeddsen. Liʼanna Arruḥ ƹlaḥsab ȓxaḍar n Arebbi itṭalab x ȓmuminin ṣṣaliḥin.


Iysi aɣrum icekkar Arebbi irzi-ṯ yuca-asen-ṯ inna-asen: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi ṯfekkarem."


Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.


Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.


Staɣellam ȓweqṯ nwem mliḥ liʼanna nhuraṯ-a ḏ iƹeffanen.


Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.


Swiv nou:

Piblisite


Piblisite