Ayṯ-Filippas 4:9 - Ṯarifiṯ 2020

⁹ Min ṯȓemḏem ḏ min ṯqebȓem zzayi ḏ min ṯesȓim ḏ min ṯeẓrim xafi itxeṣṣa u labud aḏ tesxeḏmem ṯimesȓayin-a. Ṯumma akiḏwem yiȓi Arebbi n ȓehna.

Ayṯ-Filippas 4:9 Referans Kwoze

Yaƹqub 1:22

Fa maci aḏ tesȓem i wawaȓ n Arebbi u ṣafi; Itxeṣṣa-kenniw azzayes ṯxeddmem ḥima war ṯxeddƹem ca ixef nwem.

Ayṯ-Filippas 3:17

Ay ayṯma, muneṯ ak yinni iteggen am nec. Xzareṯ mliḥ ɣar yinni igguren ḏeg ubriḏ nneɣ.

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.

Yuḥanna 13:17

Ȓexxu ṯessnem manaya, ssaƹḏ nwem meȓa ṯeggim min ḏawem nniɣ.

Ayṯ-Filippas 4:7

Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

Ayṯ-Ruma 16:20

Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.

2 Ayṯ-Kurinṯ 13:11

Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

Luqa 6:46

Mayemmi ḏayi ṯeqqarem a Siḏi, a Siḏi u kenniw war teggem min ḏawem qqareɣ?

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 7:21

Maci marra yinni iy ḏayi iqqaren a Siḏi a Siḏi aḏ aḏfen ɣar ȓmulk ujenna; Lla, war ṯ tiḏfen ca illa yinni iteggen min ixes Baba ig iǧan ḏeg ujenna.

2 Ayṯ-Salunik 3:4

Neccin qa metʼakkedin ḏi Siḏi Arebbi aqa minzi kenniw nweṣṣa qa teggem-ṯ, aṯ teggem ƹaḏ.

1 Ayṯ-Salunik 1:6

Kenniw ṯebḏam teggem mamc ntegg neccin ḏ mamc itegg Siḏiṯneɣ liʼanna kenniw ḏi ȓwesṭ n waṭṭas n tamara ṯqebȓem awaȓ nneɣ s ȓefraḥeṯ iy d yusin zi Arruḥ iqeddsen.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

Ayṯ-Ruma 15:33

Arebbi n ȓehna akiḏwem yiȓi marra iḏwem. Amin.

Yuḥanna 2:5

Ṯenna-asen yemmas i ixeddamen: "Ggem min ḏawem iqqar."

Luqa 8:21

Yarra xasen inna-asen: "Aqa yemma ḏ ayṯma niṯni ḏ iwḏan nni itsȓan i wawaȓ n Arebbi xeddmen zzayes."

1 Ayṯ-Salunik 2:14

Ay ayṯma, ṯḏewȓem am ṯjumaƹ nni n ȓmuminin n Arebbi ḏi Ƹisa Lmasiḥ ṯinni iy iǧan ḏi ṯmurṯ n Yahuḏiya. Liʼanna iwḏan n ṯmurṯ nwem tbuṣaren xawem am Ayṯ-Yahuḏiya tbuṣaren x ṯjumaƹ n ȓmuminin iy ḏinni.

1 Ayṯ-Kurinṯ 10:31

Iḏen, meȓa ṯsessem niɣ tettem niɣ min ma teggem, ggeṯ marra manayenni bac aḏ itwasemɣar Arebbi.

Ȓexḏayem 9:6

Inna-as: "Kkar aḏef ɣar ṯendint, aḏac itwanna ḏinni min itxeṣṣa aḏ teggeḏ."

2 Timutawus 4:22

Aḏ yiȓi Siḏiṯneɣ ak arruḥ nnec. Aḏ yiȓi arḍa akiḏwem marra.

1 Ayṯ-Kurinṯ 14:33

Liʼanna Arebbi war iǧi bu n ȓfawḍa walakin n ȓehna. Ḏ ṯanita ḏ lƹada iy ḏaysent ḏi marra ṯijumaƹ n ȓmuminin.

Yuḥanna 15:14

Meȓa teggem ȓuṣiyaṯ inu, ataf kenniw ḏ imeddukaȓ inu.

1 Yuḥanna 3:22

ataf azzayes neqbeȓ marra min ḏas ɣa nettar neccin ȓaḥeqqac netṭaƹa ȓuṣiyaṯ nnes ntegg minxef ireṭṭa netta.

Matta 1:23

(Ȓmaƹna nnes: Arebbi aqaṯ akiḏneɣ.)

1 Ayṯ-Kurinṯ 4:16

Iḏen, tcejjaƹeɣ-kenniw aḏayi ṯqelldem mamc teggeɣ nec.