Ayṯ-Filippas 4:8 - Ṯarifiṯ 2020

⁸ Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Ayṯ-Filippas 4:8 Referans Kwoze

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

2 Ayṯ-Kurinṯ 8:21

Ntegg ṯizemmar bac a negg min iǧan ḏ aṣebḥan maci ƹlaḥsab Siḏi Arebbi waha, ntegg ƹaweḏ ƹlaḥsab min twaȓan yiwḏan.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

Iƹibraniyen 13:18

Ttareṯ i Arebbi xaneɣ. Aqa neccin metʼakeddin ḍḍamir nneɣ mertaḥ, nrezzu a nexḏem s ȓeḥya marra ṯimesȓayin.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

Titus 1:8

Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Yaƹqub 1:27

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.

1 Yuḥanna 3:18

A iḥenjiren, maci a ntexs bnaḏem s wawaȓen ḏ yiȓes waha; Lla, itxeṣṣa aṯ nexs s ȓexḏayem ḏ ȓḥaqq.

Titus 2:2

Yinni imɣaren aḏaysen yiȓi lmaƹqul, aḏ iȓin mweqqrin, aḏ ḥekmen x ṯnefsiyṯ nsen, aḏ iȓin nican ḏi lʼiman ḏ ȓemḥibbeṯ ḏ ṣṣbar.

2 Ayṯ-Kurinṯ 13:7

Ntettar-as i Arebbi bac war ṯƹeṣṣim ca, maci bac aḏaneɣ afen yiwḏan war nesqiṭ ca ḏi ttuhma-ya iy xawem nqeddem; Lla, neccin nrezzu aḏ teggem min iǧan nican. Meȓa zɣiȓ-asen i ȓebƹaḍ qa nesqeṭ zaƹma ḏi ttuhma-ya iy xawem nqeddem, iwa maƹlic.

Ayṯ-Kulus 4:5

Ƹiceṯ s ȓefhameṯ ak yinni iǧan ɣar barra nwem war yuminen ca, staɣellam ȓweqṯ nwem mliḥ.

1 Buṭrus 4:8

Min iǧan muhim qaƹ? Itxeṣṣa aḏ tḥibbem ayawya zeg wuȓ minzi ȓemḥibbeṯ ṯqeṭṭa x waṭṭas n ddunub.

Ayṯ-Ruma 13:3

Liʼanna lḥukkam war ssiggwiḏen ca wenni iteggen ȓxir, ssaggwaḏen wenni iteggen ccarr. Meȓa ṯexseḏ war teggwḏeḏ ca zi ȓmexzen, tegg ȓxir axak yarḍa.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

Ayṯ-Ruma 2:29

Walakin aʼisraʼili iǧan ḏ ṣṣaḥ itiȓi ɣares manaya ɣar ḏaxeȓ. U ḏ ṭṭahareṯ n ṣṣaḥ tiȓi ḏeg wuȓ s Arruḥ n Arebbi, war iǧi bu s ccariƹa. Bnaḏem-a war ṯ tcekkaren ca yiwḏan, itcekkar-iṯ Arebbi.

1 Timutawus 2:2

ḏ izeǧiḏen ḏ marra yinni iḥekkmen bac a nƹiceṯ ḏeg yijjen n ȓehna bȓa ssdaƹ ḏeg yijjen n ṭṭaƹa n Arebbi ḏ yijjen n lmaƹqul.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Ayṯ-Ufasus 6:14

Beddem baƹda nican, ḥezzmem aḥezzam nni n lḥaqiqa iy teggem ḏi nneṣṣ. Ggem ƹaweḏ ṯjilit nni n ȓeḥḏiḏ n ȓḥaqq.

1 Ayṯ-Salunik 4:12

Ḥima aḏ tuyurem s lmaƹqul ak yinni ɣar barra nwem war yuminen ca, war teḥḏijim walu zi ḥadd.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

2 Ayṯ-Kurinṯ 6:8

Netqeddam-awem ixef nneɣ liʼanna iwḏan tweqqaren-aneɣ sbehdaȓen-aneɣ; qqaren ḏayneɣ ȓbaṭeȓ semɣaren-aneɣ; tarran-aneɣ ḏ iɣeccacen walakin neccin war ḏayneɣ bu ixarriqen;

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Yuḥanna 7:18

Wenni issawaȓen zi ɣares irezzu lƹaḍama i yixef nnes. Wenni irezzun lƹaḍama n wenni iy ṯiḏ issekken, qa netta ḏayes lḥaqiqa war ḏayes bu ȓɣecc.

Luqa 2:25

Tuɣa ḏinni ḏi ṯendint n Lquds ijjen n bnaḏem qqaren-as Cimƹun. Iggur nican, iteggweḏ Arebbi, itraja Ayṯ-Israʼil aḏ nejmen, Arruḥ iqeddsen aqaṯ xas.

Marqus 6:20

Mayemmi? Ȓaḥeqqac Hirudus iteggweḏ zi Yaḥya. Issen belli netta ḏ ijjen n uryaz iǧa nican, ḏ amqeddes. Iḥemma-ṯ Hirudus, iteƹjib-as xmi itḥeddaṯ walakin itɣima istƹejjib ḏayes aṭṭas.

Luqa 16:15

Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Ȓexḏayem 22:12

Yusa-d ɣari ḏinni ijjen qqaren-as Anas. Netta ḏayes ddin, itṭaƹa i ccariƹa. Ssawaȓen xas mliḥ marra israʼiliyen iy zeddɣen ḏi Dimaceq. Ibedd-d zzaṯi inna-ayi: Ay uma Cawul, ȓexxu aḏ tḏewȓeḏ aḏ twaȓiḏ! Ȓexddenni genfiɣ twaȓiɣ netta.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

1 Timutawus 5:2

Ṯiwessura egg-iṯent am yemmaṯac. Ṯiḥenjirin egg-iṯent am suyṯmac s yijjen n wuȓ iṣfa.

Luqa 23:50

Ḏinni ijjen n uryaz qqaren-as Yusef zi Jmaƹṯ n lḥukkam n Ayṯ-Israʼil, netta ḏ ijjen n uryaz iṣbaḥ iǧan nican.

1 Timutawus 3:4

Aḏ yiȓi ḏ ijjen n bnaḏem ig iḥekkmen x ṯeddarṯ nnes mliḥ, tṭaƹan-as iḥenjiren nnes tseḏḥan-ṯ.

Ȓexḏayem 6:3

Ay ayṯma, kkarem awim-d sebƹa n iryazen zzaywem aḏ tiȓi ṯessnem-ṯen aqaṯen mliḥ, aḏ iȓin ccuren s Arruḥ iqeddsen ḏ ȓefhameṯ. Neccin aṯen nkellef s lmuhimma-ya

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Iƹibraniyen 11:2

S lʼiman-a iy twacekkaren iwḏan n zman.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

2 Ayṯ-Kurinṯ 8:18

Ak Titus nessekk umaṯneɣ nni maƹruf ɣar marra ṯijumaƹ n ȓmuminin x ȓxeḏmeṯ itegg ƹlaḥsab Lʼinjil.

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.