Biblia Todo Logo
Bib sou entènèt

- Piblisite -




Ayṯ-Filippas 4:7 - Ṯarifiṯ 2020

7 Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

Gade chapit la Kopi




Ayṯ-Filippas 4:7
43 Referans Kwoze  

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.


Siḏiṯneɣ n ȓehna aḏawem yuc ijjen ȓehna ḏi aya ȓweqṯ u s marra ṯimesȓayin. Aḏ yiȓi Siḏi Arebbi akiḏwem marra.


Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.


Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ


Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.


Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."


Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.


Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.


Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.


Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.


Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.


Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."


Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.


"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."


Min ṯȓemḏem ḏ min ṯqebȓem zzayi ḏ min ṯesȓim ḏ min ṯeẓrim xafi itxeṣṣa u labud aḏ tesxeḏmem ṯimesȓayin-a. Ṯumma akiḏwem yiȓi Arebbi n ȓehna.


Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.


Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.


Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen, aḏas uceɣ aḏ icc aɣrum n lmanna wenni itwasnuffaren. Aḏas uceɣ azru ḏ acemȓaȓ yura ḏayes ijjen n yisem ḏ jḏiḏ war ṯ issin ḥadd illa wenni iy ṯ ɣa iqebȓen.


Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.


Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.


Netrezza awaȓen ḏ kuȓ array iy ḏi iǧa ttakebbur ig itƹarraḍen i min nessen x Arebbi. Nḥebbes kuȓ lfikra ḥima ataf aḏ tṭaƹ i Lmasiḥ.


Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.


Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.


Siwḍem sȓam i marra ṣṣaliḥin s Ƹisa Lmasiḥ. Awmaṯen iy iǧan akiḏi sawwaḍen-awem-d sȓam.


Swiv nou:

Piblisite


Piblisite