Ayṯ-Filippas 3:8 - Ṯarifiṯ 2020

⁸ Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Ayṯ-Filippas 3:8 Referans Kwoze

Ayṯ-Ruma 8:18

Cuf, nec twaȓiɣ aƹeddeb-a iy xaneɣ itekken ḏi ddunect-a netta war iǧi ḏ walu bac aḏ imeṯṯel ak lƹaḍama iy ḏaneɣ d ɣa imeḍharen.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ayṯ-Filippas 3:7

Walakin x ssabab n Lmasiḥ min ḏayi ineffƹen qbeȓ, ȓexxu ḥessbeɣ-ṯ ḏ ṯaxṣarṯ.

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

2 Buṭrus 1:3

Aqa ṯizemmar nnes yuƹȓan ṯuca-aneɣ-d qaƹ min neḥḏaj ƹlaḥsab ṯuḏarṯ ḏ ṭṭaƹa nneɣ i Arebbi. Manaya minzi nessen wenni ḏaneɣ d iȓaɣan ɣar lƹaḍama nnes ḏ ṯuṣubḥant nnes.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

Yuḥanna 17:8

Minzi nec ssiwḍeɣ-asen awaȓ iy ḏayi ṯuciḏ, niṯni qebȓen-ṯ. Ssnen ḏ ṣṣaḥ belli nec zi ɣarek iy d usiɣ, umnen ƹaweḏ belli ḏ cek iy ḏayi d issekken.

Yuḥanna 14:20

Ḏi nhar nni aḏ tessnem belli nec aqayi ḏi Baba, kenniw ḏayi, nec ḏaywem.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Yuḥanna 14:7

Meȓa ṯessnem-ayi, ataf aḏ tessnem uȓa ḏ Baba ƹaweḏ. Qa ȓexxu ṯessnem-ṯ ṯeẓrim-ṯ."

Ayṯ-Ufasus 4:13

Aȓ ɣa niȓi marra ḏ ijjen ḏi lʼiman u ḏi ṯusna x Mmis n Arebbi. Aȓ ɣa niȓi marra ƹaweḏ nemɣar iƹni ḏ iryazen am ȓaƹbar nni ikmaȓ n ȓqedd n Lmasiḥ.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

2 Timutawus 4:6

Cuf, nec tferraɣen-ayi-d am yijjen n ṣṣeḏqeṯ n iḏammen x dbiḥeṯ itwaqeddamen, aqa ṯuweḍ-d ȓweqṯ n ufuɣ inu zi ddunect-a.

Yuḥanna 20:28

Indeq-d Tuma inna-as: "A Siḏi inu, ay Arebbi inu!"

Yuḥanna 16:3

Niṯni teggen manaya minzi war ssinen ca Baba, war ḏayi ssinen uȓa ḏ nec.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.

1 Buṭrus 2:7

Fa azru-ya isewwa aṭṭas i kenniw iy yumnen, yinni war yuminen ca lla. Aqa yura ḏi Lkitab:

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

1 Ayṯ-Kurinṯ 9:10

Niɣ iqqar-it marra ƹlaḥsab neccin? Wah, iqqar-it ƹlaḥsab neccin. Liʼanna wenni icerrzen ḏ wenni iṣarwaṯen u labud aḏ rezzun aḏ ccen zi ṯfeǧaḥṯ nni.

Yuḥanna 20:13

Nnant-as: "A ṯamɣarṯ min cem yuɣin ṯetruḏ?" Ṯenna-asent: "Ysin Siḏi, war ssineɣ mani ṯ sersen."

Luqa 11:20

Nec meȓa sufuɣeɣ jnun s jjheḏ n ufus n Arebbi, aqa ȓmulk n Arebbi yusa-d ɣarwem.

Luqa 1:43

Nhara ḏ nhar ḏ ameqqran i nec wami ɣari d tusa yemmas n Siḏi!

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

Ayṯ-Filippas 3:12

War iǧi ca ṣafi ṭṭfeɣ marra ṯimesȓayin nni niɣ ṣafi war ḏayi bu ca n ȓƹib; Lla, nec ƹaḏ tḥawaȓeɣ aḏ ṭṭfeɣ ṯimesȓayin nni iy zi ḏayi iṭṭef Ƹisa Lmasiḥ.

2 Buṭrus 1:2

Aḏaywem imarni arḍa ḏ ȓehna s waṭṭas minzi ṯessnem Arebbi ḏ Siḏiṯneɣ Ƹisa.

2 Buṭrus 1:8

Cuf, kenniw meȓa ḏaywem ṯimesȓayin-a aḏaysent ṯarennim, ataf aḏaywem yiȓi nnfaƹ aḏ tarwem ƹaweḏ ḏi ṯusna n Siḏiṯneɣ Ƹisa Lmasiḥ.