Ayṯ-Filippas 3:12 - Ṯarifiṯ 2020

¹² War iǧi ca ṣafi ṭṭfeɣ marra ṯimesȓayin nni niɣ ṣafi war ḏayi bu ca n ȓƹib; Lla, nec ƹaḏ tḥawaȓeɣ aḏ ṭṭfeɣ ṯimesȓayin nni iy zi ḏayi iṭṭef Ƹisa Lmasiḥ.

Ayṯ-Filippas 3:12 Referans Kwoze

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

Ayṯ-Ufasus 1:4

Cuf, ixḍar-aneɣ ḏi Lmasiḥ qbeȓ ma d ixȓeq ddunect-a bac a niȓi neṣfa bȓa ȓƹib zzaṯes.

Ayṯ-Filippas 3:16

Walakin min nessen ƹaḏ nican labud aḏayes neṭṭef mliḥ.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Ayṯ-Galaṭya 5:17

Liʼanna min ṯrezzu ṭṭabiƹa ṯaƹeffant nneɣ netta ḍed n min irezzu Arruḥ iqeddsen. U amenni min irezzu Arruḥ iqeddsen netta ḍed n min ṯrezzu ṭṭabiƹa ṯaƹeffant nneɣ. Tƹarraḍen i wayawya ssenni war teggem ca ṯimesȓayin-a iy ṯexsem aḏ teggem.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

2 Ayṯ-Salunik 2:13

Fa ay ayṯma iy xef iƹizz Siḏiṯneɣ, labud a ncekkar Arebbi xawem minzi ixḍar-ikenniw ḏ imezwura nni iƹni ḏ yinni iy twasnejmen s ȓxeḏmeṯ nni issiṣfan n Arruḥ iqeddsen ḏ yijjen ttiqeṯ nwem ḏi lḥaqiqa.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

2 Ayṯ-Kurinṯ 13:9

Liʼanna nfarreḥ meȓmi ma neḍƹef, kenniw tiȓim ṯjehḏem. Ḏ manaya mixef nrezzu ḏi ṯẓaǧiṯ nneɣ aḏ tṣeȓḥem nican.

1 Ayṯ-Kurinṯ 13:10

Min iǧan qaƹ ikmaȓ aḏ d iban ḏanita, ssenni min iǧan ḏ aneqṣi aḏ iweddar netta.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

1 Timutawus 6:19

Amenni iy ɣa xemȓen agȓa i yixef nsen am yijjen n dsas ijehḏen i ṯuḏarṯ iy d ɣa yasen bac aḏ ṭṭfen mliḥ ḏi ṯuḏarṯ nni iy iǧan ḏ ṯuḏarṯ n ṣṣaḥ.

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

1 Ayṯ-Kurinṯ 9:24

Ma war ṯessinem ca ṯazȓa nni iteggen ḏi lmelƹab? Marra tazzȓen walakin ijjen waha iy ɣa irebḥen ljaʼiza. Ammeni uȓa ḏ kenniw itxeṣṣa aḏ tazȓem bac at ṯrebḥem.

1 Ayṯ-Kurinṯ 13:12

Aqa ȓexxu nxezzar ḏeg yijjen n ṯisiṯ war ṯeṣfi ca, maca menbaƹd a nemẓer mliḥ qara ḏi qara. Ȓexxu min ssneɣ ḏ aneqṣi ig iǧa, menbaƹd aḏ ssneɣ nec ṯimesȓayin marra, kif-kif mammec twassneɣ nec ḏanita.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.