Ayṯ-Filippas 2:1 - Ṯarifiṯ 2020

¹ Meȓa kenniw twacejjƹem s Lmasiḥ niɣ ṯethillam ḏi ȓemḥibbeṯ nnes niɣ ṯcarrcem ak Arruḥ nnes, niɣ ṯufim ḏayes arraḥmeṯ ḏ lḥanana,

Ayṯ-Filippas 2:1 Referans Kwoze

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

2 Ayṯ-Kurinṯ 13:14

Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Ȓexḏayem 4:32

Jmaƹeṯ nni n ȓmuminin ɣarsen uȓ nsen ḏ ȓaƹqeȓ nsen kif-kif. Uȓa ḏ ijjen zzaysen war iḥesseb min ɣares nnes waḥḏes, carrcen marra ṯimesȓayin jarasen.

1 Yuḥanna 3:24

Wenni ig isxeddamen ȓuṣiyaṯ nnes ataf aḏ iƹic ḏi Arebbi, Arebbi izeddeɣ ḏayes. Mammec ɣa negg neccin a nessen belli izeddeɣ ḏayneɣ? Nessen-iṯ s Arruḥ nni iy ḏaneɣ d yuca.

Yuḥanna 17:13

Ȓexxu ggureɣ-d ɣarek. Ssawaȓeɣ awaȓen-a u nec ƹaḏ aqayi ḏi ddunect ḥima aɣarsen ṯiȓi ȓefraḥeṯ inu ṯekmaȓ.

1 Yuḥanna 4:16

Ammu iy d nuweḍ a nessen ȓemḥibbeṯ n Arebbi a namen zi ṯenni iy ḏaneɣ d yuca i neccin. Arebbi ḏ ȓemḥibbeṯ ig iǧa. Wenni iqqimen ḏi ȓemḥibbeṯ netta iqqim ḏi Arebbi, Arebbi iqqim ḏayes.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

Ayṯ-Ruma 8:26

Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ȓexḏayem 2:46

Tmunen marra iḏsen mkuȓ nhar ḏi ṯemziḏa ṯameqqrant n Ayṯ-Israʼil. Tetten aɣrum marra ḏi ṯuḏrin nsen, tetten mecca s ȓefraḥeṯ ḏ ȓxaḍar nsen.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Ayṯ-Filippas 1:8

Ataf Arebbi ḏ ccaheḏ inu mecḥaȓ iy kenniw tweḥḥaceɣ s lḥanana n Ƹisa Lmasiḥ.

Ayṯ-Ufasus 4:4

Jmaƹeṯ ḏ icten, Arruḥ iqeddsen ḏ ijjen. Amenni Arebbi wami ḏawem d iȓaɣa, iȓaɣa-yawem-d ɣar lʼamal ḏ ijjen.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

1 Ayṯ-Kurinṯ 15:31

Ay ayṯma, twajaheɣ ȓmewṯ kuȓ nhar! Qqareɣ-awem manaya s lʼiftixar-a iy ɣari ḏaywem ƹlaḥsab ṯuḏarṯ-a nneɣ iy ɣarneɣ ḏ icten ak Siḏiṯneɣ Ƹisa Lmasiḥ.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 14:18

War kenniw tijjiɣ ca ḏ iyuwjiȓen, aɣarwem d ƹeqbeɣ.

Luqa 2:25

Tuɣa ḏinni ḏi ṯendint n Lquds ijjen n bnaḏem qqaren-as Cimƹun. Iggur nican, iteggweḏ Arebbi, itraja Ayṯ-Israʼil aḏ nejmen, Arruḥ iqeddsen aqaṯ xas.