2 Timutawus 3:8 - Ṯarifiṯ 2020

⁸ Mammec Yanis ḏ Yampris nni tƹarraḍen i Musa, amenni ƹaweḏ uȓa ḏ iryazen-a tƹarraḍen i lḥaqiqa. Ȓaƹquȓaṯ nsen ƹewwjen, lʼiman nsen ixwa.

2 Timutawus 3:8 Referans Kwoze

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.

1 Timutawus 6:5

Iryazen-a thewwaȓen jarasen s ȓaƹquȓaṯ nsen iƹewwjen ṯweddar-asen lḥaqiqa. Tfekkaren belli lʼiman ḏ ijjen n ubriḏ bac aḏ rebḥen tmenyaṯ.

Titus 1:16

Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

2 Timutawus 4:15

Uȓa ḏ cek ḥḍa ixef nnec zzayes minzi netta itƹarraḍ aṭṭas i min netbeccar.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

1 Timutawus 4:2

Aḏ yiȓi manaya s nnifaq n iryazen isxarriqen, ḍḍamir nsen ṣafi iḥareq mamc iy ṯ iḥareq ijjen n warcem n wuzzeȓ issecmaḍen.

1 Timutawus 1:19

ataf aɣarec yiȓi lʼiman nnec ḏ yijjen ḍḍamir ḏ aṣebḥan. Maci am ȓebƹaḍiṯ semḥen ḏi manaya uca lʼiman nsen iɣareq am yij uɣarrabu ḏi ȓebḥar.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

Lwaḥi 2:6

Walakin ṯeggiḏ mliḥ wami ṯƹiffeḏ ȓexḏayem n inikulaṯen iy ƹiffeɣ uȓa ḏ nec.

1 Yuḥanna 2:18

A iḥenjiren, aqa ṯsaƹƹat-a ṯaneggarut ṯuweḍ-d. Kenniw ṯesȓim ddejjal nni iggur-d, amenni ƹaweḏ aṭṭas n yiwḏan iy d yusin ȓexxu ggin am ddejjal nni. S manayenni iy nessen aqa ṯsaƹƹat ṯaneggarut ṯuweḍ-d.

Titus 1:10

Liʼanna yinni iy ḏi ṯeǧa ṯɣennant aqaṯen mujudin, ssawaȓen waha niṯni ḏ iɣeddaren xaṣṣatan ḏ yinni iticcen lhimma aṭṭas i ṭṭahareṯ.

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.