2 Timutawus 3:2 - Ṯarifiṯ 2020

² Qa iwḏan aḏ texsen ixef nsen, aḏ texsen tmenyaṯ, aḏaysen yiȓi ttakebbur, aḏ semɣaren ixef nsen, aḏ ssiwȓen awaȓ war iḥȓin x Arebbi. War tṭiƹin ca i lwalidin nsen, war tcekkaren ḥadd, war tiȓin ca ṣfan,

2 Timutawus 3:2 Referans Kwoze

Ayṯ-Filippas 2:21

Marra rezzun min ḏasen ithiman i yixef nsen waha, maci min ithiman i Ƹisa Lmasiḥ.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.

2 Timutawus 3:4

aḏ zzenzen ayṯmaṯsen, aḏ ggen ṯimesȓayin bȓa ȓaƹqeȓ, aḏ uffen s nfaxeṯ, aḏ ḥibben ccehweṯ nsen war tḥibbin ca Arebbi,

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

Yaƹqub 4:6

Walakin netta yarni-yaneɣ-d arḍa zzayes. S manaya iqqar Lkitab:

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi

1 Timutawus 6:4

ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

Luqa 12:15

Inna-asen: "Ḥḍam ixef nwem, beƹƹḏeṯ x ṭṭmaƹ minzi ṯuḏarṯ n bnaḏem war tiȓi ca s waṭṭas n wagȓa."

Lwaḥi 16:11

Ƹlaḥsab ȓeḥriq ḏ ṯḥebba iy ḏaysen niṯni qqaren awaȓen war iḥȓin x Arebbi iǧan ḏeg ujenna, war tuben ca zi ȓefƹayeȓ nsen.

2 Buṭrus 2:12

Iṯarrasen-a niṯni qqaren awaȓen war iḥȓin x ṯmesȓayin war fehhmen ca. Niṯni ggin am ȓuḥuc iqefȓen am lḥayawanaṯ iy iǧan s ṭṭabiƹa nsen iwƹaren. Xeȓqen-d iṯarrasen-a bac aḏ twaṭṭfen aḏ twanɣen mammec twaneqqen ȓuḥuc.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.

Yaƹqub 4:16

Walakin ȓexxu kenniw teftaxarem, tsemɣarem ixef nwem. Marra ttakebbur-a am wanita netta ḏ ccarr.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.

Ayṯ-Ruma 11:18

Walakin war tsemɣar ca ixef nnec x ȓefruƹ nni itwaqessen. Mayemmi? War tettu ca belli ḏ iẓewran nni iy cek iysin, war iǧi bu ḏ cek iy ṯen iysin.

Lwaḥi 16:21

Iwḍa-d icarra ḏ ameqqran zeg ujenna x yiwḏan, kuȓ abquq iwezzen azyen uqendar. Iwḏan qqaren awaȓen war iḥȓin x Arebbi x ssabab n lmuṣiba-ya n icarra ȓaḥeqqac lmuṣiba-ya ḏ ṯameqqrant aṭṭas.

Yaƹqub 2:8

Ȓuṣiyeṯ n Uzeǧiḏ izeǧiḏen iy d yusin ḏi Lkitab ṯeqqar: "Aḏ texseḏ ajjar nnec amecnaw ixef nnec." Kenniw aḏ teggem mliḥ meȓa ṯxeddmem zzayes.

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 1:20

Zzaysen Ḥimmit ḏ Iskander, jjiɣ-ṯen nec i Cciṭan ḥima aḏ twarebban war qqaren ca awaȓen nni war iḥȓin x Arebbi.

Ȓexḏayem 5:36

Qbeȓ i wussan-a, ikkar-d ijjen n uryaz qqaren-as Aṯuddas. Yarra ixef nnes ḏ ameqqran, ḏfaren-ṯ can arbeƹa miyya n iryazen. Walakin nɣin-ṯ, marra yinni iy ṯ iḏfaren msefraqen ḏewȓen ḏ walu.

Luqa 16:14

Ȓḥizeb n ifarrisiyen niṯni zeg yinni itexsen tmenyaṯ, wami sȓin i marra manaya ḍeḥcen xas.

Lwaḥi 16:9

Cemḍen yiwḏan s lḥarara ijehḏen. Waxxa amenni qqaren awaȓen war iḥȓin ḏeg yisem n Arebbi wenni ɣar ṯeǧa ssulṭa x lmuṣibaṯ-a. War tuben ca, war ṯ semɣaren ca.

Lwaḥi 13:1

Ẓriɣ ijjen n ȓwaḥc iffeɣ-d zi ȓebḥar, ɣares sebƹa n iqeyyuƹen ḏ ƹecra n waccawen, x waccawen nnes ƹecra n ttajaṯ. Urin x iqeyyuƹen nnes isemawen war iḥȓin x Arebbi.

2 Ayṯ-Kurinṯ 5:15

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

Luqa 6:35

Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

1 Timutawus 1:9

Nessen Ccariƹa-ya ƹaweḏ war d ṯexȓiq ca i yinni isemṣȓaḥen ak Arebbi. Lla, ṯexȓeq-d i yinni iǧan ḏ iƹeffanen ḏ yinni iy ḏi ṯeǧa ṯɣennant ḏ yinni war iḏeffiren ca Arebbi ḏ yinni iƹeṣṣan ḏ yinni war iṣfin ca ḏ yinni war ɣar iǧi bu ddin ḏ yinni ineqqen babaṯsen ḏ yemmaṯsen ḏ yinni ineqqen iwḏan

2 Buṭrus 2:10

Xaṣṣatan yinni igguren ḏeg ubriḏ n ccehweṯ ig isexnizen bnaḏem ḏ yinni itseḥqaren ssulṭa. Iṯarrasen-a ḏaysen zƹameṯ n ttakebbur, war teggwḏen ca aḏ inin awaȓen war iḥȓin x lmexluqaṯ n ujenna.