2 Timutawus 3:12 - Ṯarifiṯ 2020

¹² Ḏ ṣṣaḥ, marra wenni iy irezzun aḏ iƹic s lʼiman iǧan ḏi Ƹisa Lmasiḥ qa aḏ itwaƹeddeb.

2 Timutawus 3:12 Referans Kwoze

1 Buṭrus 3:14

Walakin waxxa ṯetwaƹeddbem meȓa ṯeggim ȓḥaqq, aḏ yiȓi ḏ ssaƹḏ nwem. War teggwḏem ca zeg yiwḏan, war ṯen tejjam ca akenniw sḏehcen.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Matta 16:24

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Marqus 10:30

ataf aɣares ṯiȓi miyya n ṯseqqar zi ṯuḏrin ḏ ayṯmas ḏ suyṯmas ḏ yemmas ḏ ṯarwa nnes ḏ imarjeƹiwen nnes. Aɣares yiȓi uƹeddeb ḏi zman-a, walakin ḏi zman iy d ɣa yasen aɣares ṯiȓi ṯuḏarṯ n ȓebda.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

2 Buṭrus 3:11

Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi

1 Ayṯ-Kurinṯ 15:19

Maƹlik negga lʼamal nneɣ ḏi Lmasiḥ ƹlaḥsab ṯuḏarṯ-a ṯanita waha, iȓi s manaya netziǧiz i yiwḏan zaƹma ktar zeg yiwḏan marra.

Lwaḥi 12:4

Ijarr s uƹennab nnes tuluṯ n yiṯran ujenna, inḍar-iṯen ɣar ṯmurṯ. Ibedd bu-sebƹa-ya izeǧifen zzaṯ i ṯemɣarṯ nni u nettaṯ tarew ḥima xmi ṯ ɣa ṯarew aḏas icc mmis.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

1 Timutawus 6:3

Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

1 Timutawus 2:2

ḏ izeǧiḏen ḏ marra yinni iḥekkmen bac a nƹiceṯ ḏeg yijjen n ȓehna bȓa ssdaƹ ḏeg yijjen n ṭṭaƹa n Arebbi ḏ yijjen n lmaƹqul.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

Yuḥanna 17:14

Ssiwḍeɣ-asen awaȓ nnec i imeḥḍaren inu, niṯni ƹiffen-ṯen yiwḏan minzi war ǧin ca zi ddunect-a amecnaw nec war ǧiɣ ca zi ddunect.

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

2 Ayṯ-Kurinṯ 4:9

Netwaƹeddab, walakin war neqqim ca waḥeḏneɣ. Netwaɣḍeȓ, walakin war nerriz ca.