2 Timutawus 2:3 - Ṯarifiṯ 2020

³ Iȓi akiḏi ḏeg uƹeddeb am uƹeskari aṣebḥan n Ƹisa Lmasiḥ.

2 Timutawus 2:3 Referans Kwoze

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

2 Timutawus 4:5

Cek arr-d ȓbaȓ nnec ḏi marra ṯimesȓayin, ṣbar i tamara, egg ȓxeḏmeṯ am wenni itbeccaren, egg lwajib n ȓxeḏmeṯ nnec.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

1 Timutawus 1:18

A wulidi Timutawus, aḏac uceɣ lmasʼuliya-ya ṯanitan ƹlaḥsab awaȓen nni iy xac nnan lʼanbiya zi qbeȓ bac xmi xasen ɣa ṯƹeqȓeḏ ataf aḏ tmenɣeḏ mliḥ amenɣi-ya aṣebḥan,

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.

2 Ayṯ-Kurinṯ 1:6

Meȓa netwazeyyar neccin aqa manayenni bac kenniw aḏ twaƹawnem bac aḏ twasnejjmem. Meȓa netwaƹawen neccin aqa manayenni bac ƹaweḏ aḏ twaƹawnem kenniw. Aqa amƹawan-a itarew-d ḏaywem ijjen n ṣṣbar xmi tƹeddabem s min netƹeddab neccin.

Iƹibraniyen 11:27

S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

1 Ayṯ-Kurinṯ 13:7

War ṯfeṭṭaḥ ƹemmarṣ. Tamen cḥaȓ ma ṯekka. Ṯṣebbar x min ma iǧan. S lʼamal ȓebda tmenna.

1 Ayṯ-Kurinṯ 9:7

Cuf, ma iǧa ca ḥadd aḏ yaḏef ḏi ȓƹaskar aḏ ixḏem bȓa ma aḏ itxaȓes? Lla! Ma iǧa ca ḥadd aḏ iẓẓu ṯzayarṯ uḍiȓ bȓa ma aḏ icc ṯizewrin nnes? Lla! Ma iǧa ca ḥadd aḏ yarwes ṯḥimerṯ bȓa ma aḏ isew aɣi nnes? Lla!

2 Timutawus 1:1

Nec ḏ Bulus ḏ ijjen n arrasul n Ƹisa Lmasiḥ s ȓxaḍar n Arebbi ƹlaḥsab lwaƹeḏ nni iy ḏaneɣ iwƹeḏ x ṯuḏarṯ nni iǧan ḏi Ƹisa Lmasiḥ.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

Filimun 1:2

ḏ učmaṯneɣ Ƹabya ḏ umaṯneɣ Arkippus wenni iy kiḏneɣ itemƹacaren am yijjen n umjaheḏ, u ƹaweḏ ḏ jmaƹṯ n ȓmuminin itmunan ḏi ṯeddarṯ nnec.

Ȓexḏayem 23:31

Ssenni nefḏen ȓƹaskar ƹlaḥsab min zi ṯen yumar. Uwin Bulus s ǧiȓeṯ ɣar ṯendint n Antipatris. Ṯiwecca nnes ḏewȓen-d ȓebƹaḍ n ȓƹaskar ɣar lqecla nsen, yinni iy inyin x yiysan kemmȓen x ubriḏ nsen ak Bulus uwḍen ɣar Qayṣariya. Kellfen ḏinni Lwali x Bulus sellmen-as ṯabrat nni.