2 Timutawus 2:12 - Ṯarifiṯ 2020

¹² Meȓa neṣbar, uca a neḥkem akiḏes. Meȓa nenkar-iṯ, uca ƹaweḏ netta aḏaneɣ inkar.

2 Timutawus 2:12 Referans Kwoze

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Matta 10:33

Wenni ḏayi ɣa inkaren zzaṯ i yiwḏan, ataf aṯ nkareɣ nec zzaṯ i Baba iǧan ḏeg ujenna.

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 20:6

Yinni d ɣa ikkaren ḏi lqiyama ṯamezwarut ssaƹḏ nsen, aqaṯen ṣfan. Ȓmewṯ wis ṯnayen war ɣares tiȓi ca ssulṭa xasen. Aḏ iȓin ḏ ȓfuqaha n Arebbi ḏ Lmasiḥ, akiḏes ḥekmen aȓaf n iseggwusa.

Luqa 12:9

Wenni ḏayi ɣa inkaren zzaṯ i yiwḏan, ataf aḏ itwankar zzaṯ i lmalaʼikaṯ n Arebbi.

Lwaḥi 5:10

Ṯeggiḏ zzaysen ijjen n lmemlaka n ȓfuqaha i Arebbi nneɣ, aḏ ḥekkmen ḏi ṯmurṯ."

Luqa 9:26

Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Ayṯ-Filippas 1:28

ƹaweḏ war teggwḏem ca qaƹ zeg yinni iy ḏawem itƹarraḍen. Manaya iy teggem aɣarsen ṯiȓi ḏ ijjen n lƹalama iy d isbeyyanen mliḥ niṯni aḏ fnan kenniw aḏ tnejmem. Marra manaya aḏ d yas zi Arebbi.

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Matta 26:35

Inna-as Buṭrus: "Nec war c nekkareɣ ca waxxa akiḏec iy ɣa mmṯeɣ." Amenni iy nnan marra imeḥḍaren.

Lwaḥi 3:8

Nec ssneɣ ȓexḏayem nnec. Aqa ggiɣ zzaṯec ijjen n ṯewwarṯ ṯnurzem war izemmar ḥadd at ibelleƹ. Waxxa jjheḏ nnec ḏ uqlil, ṯeggiḏ array i wawaȓ inu war ṯenkareḏ ca isem inu.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Marqus 10:33

"Aqa netgaƹƹaḏ ɣar Lquds mani ɣa itwaxḏeƹ Mmis n bnaḏem i arruyas n ȓfuqaha ḏ imseȓmaḏen n ccariƹa. Axas ḥekmen s ȓmewṯ, aṯ sellmen i yinni war iǧin ca zi Ayṯ-Israʼil.

Matta 26:75

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Lwaḥi 1:6

Igga zzayneɣ ijjen n lmemlaka ḏ ȓfuqaha i Arebbi Babas. Aɣares ṯiȓi lƹaḍama ḏ ȓeḥkam i netta i ȓebda, amin.

Luqa 22:29

Mamc ḏayi yuca Baba ijjen n ȓmulk i nec, uȓa ḏ nec aḏawem uceɣ ijjen n ȓmulk.

Luqa 22:30

Iƹni ḏi ȓmulk inu aḏ teqqimem akiḏi ɣar missa aḏ teccem aḏ teswem. Aḏ teqqimem x ȓƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil."

Ayṯ-Ruma 5:17

Iƹni, s ssabab n ȓmuƹṣiyeṯ nni n yijjen n bnaḏem ṯebḏa ȓmewṯ ṯḥekkem x yiwḏan s ssabab n bnaḏem nni. Ȓexxu s ssabab n yijjen n bnaḏem, iƹni s Ƹisa Lmasiḥ, ḏ ṯuḏarṯ nettaṯ ṯḥekkem aṭṭas x yinni iqebbȓen arḍa imɣaren n Arebbi ḏ lhadiya iy ṯen isemṣȓaḥen akiḏes.

1 Timutawus 5:8

Cuf, wenni war itḏebbiren x ȓeḥbab nnes xaṣṣatan x lƹaʼila nnes ataf netta inkar lʼiman, wenni war yuminen qaƹ ataf ḥsen zzayes.

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.