2 Buṭrus 3:3 - Ṯarifiṯ 2020

³ Min iǧan muhim qaƹ? Itxeṣṣa u labud aḏ tfehmem belli ḏi ȓiyyam nni ineggura aḏ iȓin mujudin iwḏan iy iḍeḥḥcen xawem, aḏ ḍeḥcen aḏ ḏeffaren ccehawaṯ nsen u ṣafi.

2 Buṭrus 3:3 Referans Kwoze

Yahuḏa 1:18

Nnan-awem: "Ḏi ȓiyyam nni ineggura aḏ iȓin mujudin yinni iḏeḥḥcen x yiwḏan, ḏeffaren ccehawaṯ nsen ṯiƹeffanin waha."

2 Buṭrus 2:10

Xaṣṣatan yinni igguren ḏeg ubriḏ n ccehweṯ ig isexnizen bnaḏem ḏ yinni itseḥqaren ssulṭa. Iṯarrasen-a ḏaysen zƹameṯ n ttakebbur, war teggwḏen ca aḏ inin awaȓen war iḥȓin x lmexluqaṯ n ujenna.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Buṭrus 1:20

Min iǧan muhim qaƹ itxeṣṣa u labud aḏ tfehmem belli uȓa ḏ ijjen n wawaȓ zi lʼanbiya iy iǧan ḏi Lkitab, lʼaṣel nnes war d ikki ca zi min itfessaȓ bnaḏem.

2 Timutawus 3:1

Fa labud itxeṣṣa aḏ tfehmeḏ belli ussan ineggura aḏ iȓin qeṣḥen.

1 Yuḥanna 2:18

A iḥenjiren, aqa ṯsaƹƹat-a ṯaneggarut ṯuweḍ-d. Kenniw ṯesȓim ddejjal nni iggur-d, amenni ƹaweḏ aṭṭas n yiwḏan iy d yusin ȓexxu ggin am ddejjal nni. S manayenni iy nessen aqa ṯsaƹƹat ṯaneggarut ṯuweḍ-d.

Yuḥanna 12:48

Wenni iy ḏayi itƹeyyaben netta war iqebbeȓ ca awaȓ inu, ataf ɣares wi ṯ ɣa iḥasben. Awaȓ-a iy nniɣ ḏ wenni iy ṯ ɣa iḥasben ḏi Nhar Aneggaru.

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.