2 Ayṯ-Kurinṯ 9:12 - Ṯarifiṯ 2020

¹² Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

2 Ayṯ-Kurinṯ 9:12 Referans Kwoze

Ayṯ-Filippas 2:25

Cuf, twaȓiɣ labud aḏawem d arreɣ uma Parfulitus wenni iy kiḏi itemƹacaren am ca n umjaheḏ. Netta ḏ amsexxar nwem wenni iy ḏayi d ṯessekkem bac aḏayi ithilla.

1 Yuḥanna 3:17

Wenni ɣar iǧa wagȓa n ddunect-a itwaȓa umas war ɣares ca iteḥḏaja uca iseqseḥ uȓ nnes xas, mammec ɣa ṯiȓi ȓemḥibbeṯ n Arebbi ḏeg wanita?

2 Ayṯ-Kurinṯ 8:4

ttaren zzayneɣ s wuȓ nsen aḏ ƹawnen s ȓxir-a ȓmuminin ṣṣaliḥin iy iǧan ḏi ṯendint n Lquds.

2 Ayṯ-Kurinṯ 9:1

Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

2 Ayṯ-Kurinṯ 1:5

Liʼanna mammec aƹeddeb n Lmasiḥ itenfeyyaḍ-d itaḏaf ḏi ṯuḏarṯ nneɣ amenni ƹaweḏ s Lmasiḥ itenfeyyaḍ-d umƹawan nneɣ.