2 Ayṯ-Kurinṯ 8:4 - Ṯarifiṯ 2020

⁴ ttaren zzayneɣ s wuȓ nsen aḏ ƹawnen s ȓxir-a ȓmuminin ṣṣaliḥin iy iǧan ḏi ṯendint n Lquds.

2 Ayṯ-Kurinṯ 8:4 Referans Kwoze

Ȓexḏayem 24:17

Menbaƹd i waṭṭas n iseggwusa ƹeqbeɣ-d ɣar ṯendint n Lquds uwiɣ-d can n ṣṣaḏaqa i lʼumma inu, qeddmeɣ ca n dbiḥaṯ.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

2 Ayṯ-Kurinṯ 9:1

Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

Ayṯ-Galaṭya 2:10

Ɣir ttaren zzayneɣ a nfekkar ḏeg ipubriṯen nsen. Manayenni rezzuɣ-ṯ nniṯ s wuȓ inu aṯ ggeɣ.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Ayṯ-Kurinṯ 16:1

Ƹlaḥsab ṣṣaḏaqa i ȓmuminin ṣṣaliḥin, swejḏeṯ kenniw mammec ṯent weṣṣiɣ i ṯjumaƹ n ȓmuminin ḏi lʼiqlim n Galaṭya.

Ayṯ-Ruma 15:31

Ẓẓaǧeṯ ḥima nec aḏ nejmeɣ zeg ifassen n yinni war yuminen ca ḏi jwayeh n Yahuḏiya, u ƹaweḏ bac ȓxeḏmeṯ inu ḏi Lquds at qebȓen ȓmuminin ṣṣaliḥin iy ḏinni.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 11:29

Kkaren imeḥḍaren tafqen jarasen kuȓ ijjen zzaysen aḏ ssekken cwayt n lmuƹawana ƹlaḥsab ṯizemmar nsen ɣar ayṯmaṯsen ig izeddɣen ḏi Yahuḏiya.

Marqus 14:7

Imesƹan aqaṯen akiḏwem ȓebda. Meȓmi ma ṯexsem ṯzemmarem aḏaysen ṯeggem ȓxir, nec war kiḏwem tɣimiɣ ca i ȓebda.

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Matta 10:42

Aqa tesȓam ȓḥaqq: Wenni ɣa yucen ɣir ȓkas n waman ḏ asemmaḍ i can yijjen zeg imezyanen-a ȓaḥeqqac ḏ ameḥḍar inu, ataf aḏ yawi lʼajar nnes war ṯ itḍeyyiƹ ca."