2 Ayṯ-Kurinṯ 7:8 - Ṯarifiṯ 2020

⁸ Iwa wami kenniw sxeyyqeɣ s ṯebrat nni inu nneɣni, ḏ amezwaru tuɣa nedmeɣ ȓexxu war ndimeɣ ca. Iƹni nedmeɣ wami ẓriɣ ṯabrat nni inu ṯesxeyyeq-ikenniw ḏeg yijjen n ȓweqṯ walakin ṯeƹḏu ḏeɣya.

2 Ayṯ-Kurinṯ 7:8 Referans Kwoze

Lwaḥi 3:19

Nec trebbiɣ nehhiɣ marra wenni tḥibbiɣ. Cek lʼiman nnec sejheḏ-iṯ, tub.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

2 Ayṯ-Kurinṯ 7:6

Walakin Arebbi, iƹni wenni itƹawanen yinni itxeyyaqen iƹawen-aneɣ s umaṯneɣ Titus wami d yusa.

Yuḥanna 21:17

Inna-as Ƹisa wis ṯeȓt marraṯ: "A Simƹan a mmis n Yuḥanna, ma texseḏ-ayi?" Iqqes-as ȓḥaȓ i Buṭrus ȓaḥeqqac inna-as-ṯ wis ṯeȓt marraṯ, cek ma texseḏ-ayi? Inna-as: "A Siḏi, cek ṯessneḏ kuȓci. Ṯessneḏ qa nec texseɣ-c." Inna-as Ƹisa: "Secc iḥuȓiyen inu.

Yuḥanna 16:6

Wami ḏawem nniɣ manaya, uȓawen nwem ḏaysen ȓeḥȓiq aṭṭas.

2 Ayṯ-Kurinṯ 7:7

U maci ɣir wami d yusa Titus, iƹawen-aneɣ Arebbi ƹaweḏ wami tuɣa ḏayes thillam. Ixbar-aneɣ Titus qa ṯweḥḥcem-ayi, qa ṯnedmem ṯrezzum xafi aṭṭas. Amenni ȓefraḥeṯ inu ṯarni ktar.

2 Ayṯ-Kurinṯ 7:9

Ȓexxu nec farrḥeɣ. Maci wami ṯxeyyqem; Lla, wami ṯxeyyqem bac aḏ ttubem. Ṯxeyyqem iƹni ijjen n uxiyyeq zi Arebbi, amenni war kenniw ṯeȓqif uȓa ḏ ijjen n ṯxessarṯ zzayneɣ.

2 Ayṯ-Kurinṯ 7:12

Nec uriɣ-awem-d ṯabrat nni, mayemmi? Ma ƹlaḥsab wenni iḍeȓmen niɣ ḏ wenni itwaḍeȓmen? Lla, uriɣ-awem-t-id bac akenniw sfehmeɣ zzaṯ i Arebbi mecḥaȓ iy ḏaneɣ teggem array s wuȓ.