2 Ayṯ-Kurinṯ 7:4 - Ṯarifiṯ 2020

⁴ Nec teggeɣ akiḏwem zƹameṯ aṭṭas, lʼiftixar iy ɣari ḏaywem imɣar. Twacejjƹeɣ aṭṭas, ȓefraḥeṯ inu temfeyyaḍ-d x marra ȓemḥayen nneɣ.

2 Ayṯ-Kurinṯ 7:4 Referans Kwoze

2 Ayṯ-Kurinṯ 1:4

Itƹawan-aneɣ ḏi marra tamara nneɣ ḥima neccin s umƹawan-a iy zi ḏaneɣ itƹawan Arebbi nzemmar a nƹawen yinni iǧan ḏi kuȓ tamara.

2 Ayṯ-Kurinṯ 3:12

Iḏen, meȓa ɣarneɣ ijjen n lʼamal am wanita ataf ɣarneɣ ijjen n zƹameṯ.

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

1 Ayṯ-Kurinṯ 1:4

Tcekkareɣ Arebbi xawem ȓebda x arḍa iy ḏawem yuca ḏi Ƹisa Lmasiḥ.

1 Ayṯ-Salunik 2:19

Liʼanna ḏ kenniw iy iǧan ḏ lʼamal nneɣ ḏ ȓefraḥeṯ nneɣ ḏ ttaj nneɣ n ccan zzaṯ i Siḏiṯneɣ Ƹisa xmi d ɣa yas.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

2 Ayṯ-Kurinṯ 11:21

Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 8:24

Falihaḏa, awim-asen i iryazen-a ddalil n ȓemḥibbeṯ nwem ḏ ssabab s minzi nteftaxar ḏaywem bac manaya aṯ ẓrent ṯijumaƹ n ȓmuminin.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

Ayṯ-Ruma 5:3

War iǧi ɣir manaya waha, nfarreḥ neccin uȓa ḏi ȓemḥayen. Nessen belli ȓemḥayen-a tarwent-id ṣṣbar.

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

2 Ayṯ-Kurinṯ 7:14

Wami zzaywem ftaxareɣ ɣar Titus war iǧi mayemmi ɣa seḏḥiɣ ȓexxu. Ȓaḥeqqac mammec nessiweȓ akiḏwem nican ḏi marra, uȓa ḏ lʼiftixar nneɣ xawem ɣar Titus qa iffeɣ-d nican.

2 Ayṯ-Kurinṯ 10:8

Waxxa teftaxareɣ cwayt s ṣṣaraḥa-ya x ssulṭa nni iy ḏaneɣ yuca Siḏiṯneɣ, walakin war tseḏḥiɣ ca zi manaya. Ssulṭa-ya yuca-aneɣ-t ḥima akenniw nsejheḏ maci ḥima akenniw nrez.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.

Ayṯ-Filippas 1:26

Aɣarwem d ƹeqbeɣ ƹaweḏ. X ssabab-a ataf ȓefraḥeṯ nwem ḏi Ƹisa Lmasiḥ aḏ d tenfeyyeḍ ƹlaḥsab nec.

2 Ayṯ-Salunik 1:4

X manaya ḏ kenniw ig iǧan ḏ ccan nneɣ jar ṯjumaƹ n ȓmuminin, nessawaȓ x ṣṣbar nwem ḏ lʼiman nwem ḏi marra aƹeddeb nni ḏ marra ȓemḥayen nni iy xawem iy tekken.

Filimun 1:7

Ay uma, ȓemḥibbeṯ iy ɣarec cek ticc-ayi-d ijjen n ȓefraḥeṯ ḏ ucejjaƹ ḏ ameqqran minzi cek ṯsiḥemmiḏ uȓawen n ṣṣaliḥin.