2 Ayṯ-Kurinṯ 7:15 - Ṯarifiṯ 2020

¹⁵ Netta aqa ṯeqqimem-as ḏeg wuȓ u ktar ƹaḏ xmi itfekkar ḏi array iy ḏas ṯeggim, iƹni ṯqebȓem-ṯ s yijjen n ṯiggwḏi terjijim.

2 Ayṯ-Kurinṯ 7:15 Referans Kwoze

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

2 Ayṯ-Kurinṯ 2:9

Uriɣ-awem-d manayenni bac akenniw jarrbeɣ aḏ ssneɣ ma tṭaƹam ḏi marra ma lla.

1 Yuḥanna 3:17

Wenni ɣar iǧa wagȓa n ddunect-a itwaȓa umas war ɣares ca iteḥḏaja uca iseqseḥ uȓ nnes xas, mammec ɣa ṯiȓi ȓemḥibbeṯ n Arebbi ḏeg wanita?

2 Ayṯ-Salunik 3:14

Wenni war itṭiƹin ca i wawaȓ nneɣ ḏi ṯebrat-a ggem-ṯ ḏi ȓbaȓ nwem, war kiḏes ggurem ca bac aḏ iseḏḥa.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

Ayṯ-Filippas 1:8

Ataf Arebbi ḏ ccaheḏ inu mecḥaȓ iy kenniw tweḥḥaceɣ s lḥanana n Ƹisa Lmasiḥ.

2 Ayṯ-Kurinṯ 6:12

Ȓemḥibbeṯ nneɣ war xawem t nteɣliq ca neccin, ḏ kenniw iy xaneɣ t iteɣlaqen.

Ȓexḏayem 16:29

Inna lḥaris n ȓeḥbes ceƹƹȓem ȓefnaraṯ. Iruḥ itazzeȓ ɣar Bulus ḏ Silas isejjeḏ-asen ɣar iḍaren nsen ibḏa iterjiji.

Ayṯ-Ufasus 6:5

Ay isemɣan, ṭaƹem i ayṯbab nwem ḏi ddunect-a, weqqarem-ṯen ggwḏem-ṯen s yijjen n wuȓ iṣfa amecnaw mammec ṯṭaƹam i Lmasiḥ.

Yuḥanna 16:21

Ṯamɣarṯ xmi tarew, itiȓi ḏayes ȓeḥȓiq ȓaḥeqqac ȓweqṯ nnes ṯuweḍ-d. Walakin xmi ɣa ṯarew aseymi, war tfekkir ca ƹaḏ ḏi ȓeḥȓiq nni s ȓefraḥeṯ nnes minzi ṯurew-d ijjen n useymi ɣar ddunect-a.

1 Ayṯ-Kurinṯ 2:3

Tuɣa aqayi akiḏwem s yijjen n ḍḍuƹef ḏ yijjen n ṯiggwḏi, terjijiɣ aṭṭas.