2 Ayṯ-Kurinṯ 6:8 - Ṯarifiṯ 2020

⁸ Netqeddam-awem ixef nneɣ liʼanna iwḏan tweqqaren-aneɣ sbehdaȓen-aneɣ; qqaren ḏayneɣ ȓbaṭeȓ semɣaren-aneɣ; tarran-aneɣ ḏ iɣeccacen walakin neccin war ḏayneɣ bu ixarriqen;

2 Ayṯ-Kurinṯ 6:8 Referans Kwoze

Matta 27:63

Nnan-as: "Neccin neƹqeȓ a siḏi belli wami tuɣa iddar uɣeddar nni inna-d menbaƹd i ṯeȓtiyyam nec aḏ d kkareɣ zi ȓmewṯ."

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.

Lwaḥi 3:9

Amma yinni zi jmaƹṯ iy iƹebbḏen Cciṭan ḥessben ixef nsen zi Ayṯ-Israʼil, walakin niṯni war ǧin ca zi Ayṯ-Israʼil sxerriqen waha. Aṯen d arreɣ s bezzez aḏ d asen aḏ sejjḏen ɣar iḍaren nnec aḏ ssnen nec tḥibbiɣ-cek.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

Ȓexḏayem 28:22

Walakin nexs aḏac nṣennet lʼafkar nnec minzi nessen aṭṭas n yiwḏan ḏi mkuȓ amcan tƹarraḍen i ȓḥizeb-a wanita."

Ȓexḏayem 24:5

Aryaz-a wanita nufi-ṯ itxarwaḍ waha itegg lfitna jar marra israʼiliyen iy ǧan ḏi marra ddunect. Netta ḏ ijjen n arrayes n lbidƹa n nnaṣara.

3 Yuḥanna 1:12

Amma Dimitriyus cehhḏen xas mliḥ qaƹ iwḏan waxxa uȓa ḏ lḥaqiqa ṯcehheḏ xas s yixef nnes. Axas narni waxxa ḏ chaḏeṯ nneɣ u kenniw ṯessnem belli chaḏeṯ nneɣ neccin ḏ ṣṣaḥ.

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

Ayṯ-Ruma 3:8

Niɣ aḏ yini can yijjen: Yallah a negg ȓbaṭeȓ ḥima azzayes d ikk ȓxir. Amenni tahamen-aneɣ can yiwḏan s ẓẓur belli neqqar awaȓ-a. Iwḏan-a niṯni sḏaheǧen lƹiqab n Arebbi!

Ȓexḏayem 22:12

Yusa-d ɣari ḏinni ijjen qqaren-as Anas. Netta ḏayes ddin, itṭaƹa i ccariƹa. Ssawaȓen xas mliḥ marra israʼiliyen iy zeddɣen ḏi Dimaceq. Ibedd-d zzaṯi inna-ayi: Ay uma Cawul, ȓexxu aḏ tḏewȓeḏ aḏ twaȓiḏ! Ȓexddenni genfiɣ twaȓiɣ netta.

Ȓexḏayem 16:39

Usin-d ɣarsen tettaren zzaysen aḏasen samḥen, sufɣen-ṯen zi ȓeḥbes ttaren zzaysen aḏ ffɣen zi ṯendint.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 6:3

Ay ayṯma, kkarem awim-d sebƹa n iryazen zzaywem aḏ tiȓi ṯessnem-ṯen aqaṯen mliḥ, aḏ iȓin ccuren s Arruḥ iqeddsen ḏ ȓefhameṯ. Neccin aṯen nkellef s lmuhimma-ya

Ȓexḏayem 5:13

Zeg yiwḏan nni iy war yuminen ca war izƹim ḥadd akiḏsen yiȓi ak ȓmuminin walakin waxxa amenni teḥtaramen-ṯen aṭṭas.

Ȓexḏayem 4:21

Arnin siggwḏen-ṯen, ȓexddenni ḍeȓqen-asen. War ufin mammec ḏasen ɣa ggen aṯen ƹaqben minzi marra iwḏan ḥemmḏen Arebbi x min iweqƹen.

Yuḥanna 7:12

Aṭṭas ig itwecwicen zi ȓɣaci xas qqaren netta ḏ aryaz n ȓxir. Walakin inneɣni zzaysen qqaren lla, isxarriq xaneɣ waha.

Marqus 12:14

Wami d usin ɣar Ƹisa nnan-as: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic. Ini-yaneɣ: Ma ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla? Ma ḏas t nxeǧes niɣ lla?"

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

1 Timutawus 3:7

U labud ƹaweḏ aṯ weqqaren yinni iǧan n barra war iǧin ca ḏ ȓmuminin bac war xas tƹeyyiben ca yiwḏan war iweṭṭi ca ḏi ṯexcebṯ nni n Ibȓis.

2 Ayṯ-Kurinṯ 1:18

Am Arebbi ḏayes ttiqeṯ netta, neccin ƹaweḏ qa awaȓ nneɣ i kenniw war iǧi bu ḏ wah akeḏ lla.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 11:21

Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 12:16

Iwa ṣafi, meȓa war xawem bessȓeɣ ca, ma ṯeqqarem ȓexxu qa nec ḏ aɣeccac ṭṭfeɣ-kenniw s ṯeḥraymiṯ, ah?

1 Ayṯ-Salunik 2:3

Awaȓ nneɣ iy zi netweṣṣa war d itis ca zeg uɣḏar niɣ zi min ixenzen niɣ zi ṯeḥraymiṯ.