2 Ayṯ-Kurinṯ 6:6 - Ṯarifiṯ 2020

⁶ Netqeddam-awem ixef nneɣ s ṣṣfa iy ɣarneɣ ḏ ȓefhameṯ ḏ ttasiƹ n ȓxaḍar ḏ ȓxir ḏ Arruḥ iqeddsen ḏ ijjen n ȓemḥibbeṯ bȓa nnifaq;

2 Ayṯ-Kurinṯ 6:6 Referans Kwoze

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Ufasus 4:32

Teggeṯ ȓxir ak wayawya, tḥinnam x wayawya. Semmḥem i wayawya mammec ḏawem iɣfar Arebbi ḏi Lmasiḥ.

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 3:5

Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.

2 Ayṯ-Kurinṯ 12:15

Nec s ȓefraḥeṯ aḏ hḏiɣ ixef inu aḏ twahḏiɣ ƹlaḥsab ȓaƹmar nwem. Meȓa texseɣ-kenniw aṭṭas, ma ṯesneqṣem ȓemḥibbeṯ nwem xafi?

2 Ayṯ-Kurinṯ 11:11

Mayemmi? Ma war kenniw texseɣ ca? Qa Arebbi issen belli ṯƹizzem xafi.

2 Ayṯ-Kurinṯ 11:6

U nec waxxa war ssineɣ ca lxuṭba inu mliḥ, war ḏayi ṯenqiṣ ca ṯusna. Neccin ṯusna-ya nesbeyyen-awem-t-id nican s marra ṯimesȓayin.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

2 Ayṯ-Kurinṯ 7:2

Arzmem-aneɣ kenniw imucan ḏeg wuȓawen nwem. Uȓa ḏ ijjen war ṯ neḍȓim ca, war ṯ nesƹewwej ca, war ṯ nɣecc ca.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

2 Ayṯ-Kurinṯ 3:3

Ṯbanem-d belli kenniw am yijjen n ṯebrat zi Lmasiḥ, nessiweḍ-it neccin. War ṯuri ca s smex, ṯura s Arruḥ n Arebbi iddaren. War ṯenqic ca ḏi ṯeȓwiḥin n uzru, ṯenqec ḏi ṯeȓwiḥin n wuȓ n bnaḏem.

2 Ayṯ-Kurinṯ 2:4

Liʼanna uriɣ-awem-t-id s yijjen n uziyyar ḏ yijjen n uxiyyeq zeg wuȓ inu ḏ waṭṭas n imeṭṭawen. War iǧi bu nniɣ-awem-t ḥima akenniw sxeyyqeɣ; Lla, ḥima aḏ tessnem mecḥaȓ ṯemɣar ȓemḥibbeṯ inu ɣarwem.

1 Ayṯ-Kurinṯ 13:4

Ȓemḥibbeṯ ḏayes ttisaƹ n ȓxaḍar, ḏayes ij n lḥanana. Nettaṯ war teftaxar war ṯḥesseḏ ca. War ḏayes ttakebbur,

1 Ayṯ-Kurinṯ 2:16

Liʼanna mamc iqqar Lkitab: U neccin ɣarneɣ ȓaƹqeȓ n Lmasiḥ.

Ayṯ-Ruma 12:9

Ȓemḥibbeṯ itxeṣṣa aḏ tiȓi bȓa nnifaq. Ƹiffeṯ min iǧan ḏ ccarr, ṭṭfeṯ ḏi min iǧan ḏ ȓxir.

1 Yuḥanna 3:18

A iḥenjiren, maci a ntexs bnaḏem s wawaȓen ḏ yiȓes waha; Lla, itxeṣṣa aṯ nexs s ȓexḏayem ḏ ȓḥaqq.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Ayṯ-Salunik 2:10

Netƹic akiḏwem kenniw iy yumnen s yijjen n ṣṣfa ḏ yijjen n ubriḏ nican bȓa ȓƹib. Kenniw ḏ ȓechuḏ x manaya uȓa ḏ Arebbi.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

Ayṯ-Ufasus 3:4

Xmi ɣa ṯɣarem manaya aḏ tessnem ȓefhameṯ inu iy ɣari ḏi ȓmaƹna-ya inuffaren x Lmasiḥ.

Ayṯ-Galaṭya 3:2

Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.

1 Ayṯ-Kurinṯ 2:4

Min qqareɣ ḏ min tḥeddaṯeɣ war iǧi ca s wawaȓen n ȓefhameṯ bac akenniw sqenƹen ḏeɣya; Lla, sxeddameɣ jjheḏ n Arruḥ n Arebbi

Ayṯ-Ruma 15:19

iƹni s jjheḏ n lmuƹjizaṯ ḏ lburhanaṯ iy d yusin s jjheḏ n Arruḥ n Arebbi. Ammu iy beccareɣ s Lʼinjil n Lmasiḥ ḏi mkuȓ amcan iƹni zi ṯendint n Lquds aȓ jwayeh n Ilirya.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

2 Timutawus 3:10

Walakin cek ṯessneḏ mliḥ ttaƹlim inu ḏ ubriḏ n ṯuḏarṯ inu ḏ lɣaraḍ inu ḏ lʼiman inu ḏ ttasiƹ n ȓxaḍar inu ḏ ȓemḥibbeṯ inu ḏ ṣṣbar inu

1 Timutawus 5:2

Ṯiwessura egg-iṯent am yemmaṯac. Ṯiḥenjirin egg-iṯent am suyṯmac s yijjen n wuȓ iṣfa.

Ayṯ-Kulus 2:3

Ḏayes ḏi netta iy twasnuffaren marra ȓkunuz n ȓefhameṯ ḏ marra ȓkunuz n ṯusna.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

2 Ayṯ-Kurinṯ 1:23

Iwa tettareɣ i Arebbi aḏ yiȓi netta ḏ ccaheḏ inu qa nec tuɣa rezzuɣ axawem ḥinneɣ wami ugiɣ aɣarwem d aseɣ ɣar Kurinṯ.

2 Ayṯ-Kurinṯ 2:10

Wenni umi ɣa ṯsemḥem uȓa ḏ nec aḏas semḥeɣ. Meȓa ḏinni can ȓḥajeṯ aḏas semḥeɣ, qa semḥeɣ-as-t. Semḥeɣ-as ƹlaḥsab kenniw, icheḏ xas Lmasiḥ.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.