2 Ayṯ-Kurinṯ 5:7 - Ṯarifiṯ 2020

⁷ Aqa netƹic s lʼiman maci s min netwaȓa.

2 Ayṯ-Kurinṯ 5:7 Referans Kwoze

2 Ayṯ-Kurinṯ 4:18

War nesrusi ca ṯiṭṭawin nneɣ ḏi min netwaȓa, nsrusa-ṯent ḏi min war netwiȓi ca. Liʼanna min netwaȓa ḏeɣya itraḥ, min war netwiȓi ca ḏ wenni ig itduman i ȓebda.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

Iƹibraniyen 10:38

Walakin wenni iǧan nican aḏ iƹic s lʼiman. Meȓa iƹqeb ɣar ḏeffar ataf war xas reṭṭiɣ ca.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

1 Buṭrus 5:9

Ƹarrḍem-as i Ibȓis, beddem nican x dsas n lʼiman nwem minzi ṯessnem belli ayṯmaṯwem ḏi marra ddunect-a aqa twaƹeddaben am kenniw.

1 Ayṯ-Kurinṯ 13:12

Aqa ȓexxu nxezzar ḏeg yijjen n ṯisiṯ war ṯeṣfi ca, maca menbaƹd a nemẓer mliḥ qara ḏi qara. Ȓexxu min ssneɣ ḏ aneqṣi ig iǧa, menbaƹd aḏ ssneɣ nec ṯimesȓayin marra, kif-kif mammec twassneɣ nec ḏanita.

2 Ayṯ-Kurinṯ 1:24

Lʼianna war iǧi bu netḥekkem x lʼiman nwem; Lla, nxeddem akiḏwem bac aḏ tfarḥem. Aqa s lʼiman nwem iy ṯbeddam nican.