2 Ayṯ-Kurinṯ 5:13 - Ṯarifiṯ 2020

¹³ Cuf, meȓa iruḥ-aneɣ ȓaƹqeȓ zaƹma, manaya jaraneɣ ḏ Arebbi. Meȓa ɣarneɣ ȓaƹqeȓ, ataf manaya mliḥ i kenniw.

2 Ayṯ-Kurinṯ 5:13 Referans Kwoze

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 12:6

Cuf, mȓi xseɣ aḏ ftaxareɣ zeg yixef inu ataf ssawaȓeɣ s ȓḥaqq maci s ṯubbuhȓiya. Walakin ugiɣ aḏ ggeɣ ammu, mayemmi? Ḥima aḏayi ḥesben yiwḏan ɣir s min twaȓan ḏayi s ṯiṭṭawin nsen u ḏ min tṣennaṭen zzayi s imejjan nsen.

2 Ayṯ-Kurinṯ 11:1

Iwa rezzuɣ aḏ teṣbarem cwayt ak ṯubbuhȓiya-ya inu zaƹma. Wah, ṣebbareṯ akiḏi liʼanna ɣari ijjen n lɣira xawem, iƹni ijjen n lɣira zi Arebbi. Aqa xeṭbeɣ-kenniw zaƹma i yijjen n uryaz iƹni ḏ Lmasiḥ akenniw awiɣ ɣares am yijjen n ṯeƹzriyṯ war ḏayes bu ȓƹib.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

2 Ayṯ-Kurinṯ 7:12

Nec uriɣ-awem-d ṯabrat nni, mayemmi? Ma ƹlaḥsab wenni iḍeȓmen niɣ ḏ wenni itwaḍeȓmen? Lla, uriɣ-awem-t-id bac akenniw sfehmeɣ zzaṯ i Arebbi mecḥaȓ iy ḏaneɣ teggem array s wuȓ.

Marqus 3:21

Wami sȓin ȓeḥbab nnes x manaya, usin-d ḥima aṯ awin akiḏsen nnan qa iruḥ-as ȓaƹqeȓ.