2 Ayṯ-Kurinṯ 5:10 - Ṯarifiṯ 2020

¹⁰ Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

2 Ayṯ-Kurinṯ 5:10 Referans Kwoze

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Lwaḥi 22:12

Inna Ƹisa: "Nec aqa usiɣ-d war tƹeṭṭaȓeɣ ca! Aḏ d awiɣ texȓiseṯ, aḏ jaziɣ kuȓ ijjen ƹlaḥsab ȓexḏayem nnes.

Ayṯ-Ufasus 6:8

Itxeṣṣa kenniw aḏ tessnem marra ȓxir iy ɣa ṯeggem akenniw ijaza xas Siḏiṯneɣ waxxa kenniw ḏ isemɣan niɣ ḏ ayṯbab nsen.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

1 Buṭrus 4:5

Walakin lḥisab nsen aṯ igg wenni iwejjḏen aḏ iḥaseb yinni iddaren ḏ yinni immuṯen.

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

Ȓexḏayem 10:42

Neccin iweṣṣa-yaneɣ Ƹisa a nbeccar ccaƹb, a necheḏ belli Arebbi ixḍar-iṯ aḏ iḥaseb yinni iddaren ḏ yinni immuṯen.

Lwaḥi 2:23

Aḏ nɣeɣ ṯarwa nnes. Aḏ ssnen marra ṯijumaƹ n ȓmuminin belli ḏ nec ig itmeyyazen min ḏayes ḏi ȓaƹqeȓ ḏ wuȓ. Kuȓ ijjen zzaywem aḏas uceɣ ƹlaḥsab ȓexḏayem nnes.

Ayṯ-Ruma 6:19

Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.

2 Ayṯ-Kurinṯ 7:3

War qqareɣ ca manaya bac akenniw ƹeyybeɣ lla. Ȓaḥeqqac nniɣ-awem qbeȓ qa kenniw ḏeg wuȓawen nneɣ, a nemmeṯ niɣ a neddar akiḏwem.

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

Iƹibraniyen 9:27

Ȓmewṯ itmetta-t bnaḏem ijjen n ṯwaȓa, ṯumma iḏeffar-it Lḥisab ḏ Lƹiqab.