2 Ayṯ-Kurinṯ 4:4 - Ṯarifiṯ 2020

⁴ Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 4:4 Referans Kwoze

Yuḥanna 12:40

2 Ayṯ-Kurinṯ 3:14

Niṯni ȓaƹquȓaṯ nsen twaqesḥen war fehhmen ca. Aȓ nhara xmi ɣa ɣaren ḏi Ȓƹaheḏ nni aqḏim tafen ltam nni ƹaḏ ḏayes. Ltam nni war itwakkes ca, ɣir s Lmasiḥ iy ɣa itwakkes.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Yuḥanna 12:31

Ȓexxu aḏ twaƹaqeb ddunect-a. Ȓexxu Lmufsid nni ameqqran n ddunect-a axas azzȓen.

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Yuḥanna 12:35

Inna-asen Ƹisa: "Ḏrust n ȓweqṯ iy kiḏwem itiȓi nnur. Uyurem madama ƹaḏ ɣarwem nnur-a ḥima war xawem d ṯḥarreṯ ṯaǧest. Wenni igguren ḏi ṯaǧest war issin mani iggur.

Yuḥanna 14:30

War kiḏwem ssiwiȓeɣ ca nec ƹaḏ aṭṭas minzi Lmufsid nni ameqqran n ddunect-a itas-d. War ɣares bu ṯzemmar xafi.

2 Ayṯ-Kurinṯ 3:18

Ȓexxu neccin aɣembub nneɣ war iɣmis s walu. Netwaȓa lƹaḍama n Siḏiṯneɣ, netwabeddaȓ bac a niȓi ḏ ijjen n ṣṣifeṯ nnes s yijjen n lƹaḍama itmarnin. Manaya itas-d zi Siḏiṯneɣ ig iǧan ḏ Arruḥ.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.

1 Yuḥanna 2:8

Walakin nettaṯ ƹaweḏ ḏ ijjen n ȓuṣiyeṯ ḏ jḏiḏ iy ḏawem d uriɣ. Lḥaqiqa nnes ntwaȓa-t ḏi Ƹisa ntwaȓa-t ḏaywem ȓaḥeqqac ṯaǧest ṯƹeddu, ȓexxu nnur n ṣṣaḥ ṣafi itceƹciƹ-d.

Ayṯ-Filippas 2:6

Netta aqaṯ ḏ ṣṣifeṯ n Arebbi, walakin wami imqudda ak Arebbi war inwi ca aḏ iṭṭef ḏi manayenni.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

Yuḥanna 16:11

U ɣalṭen x lḥisab minzi Lmufsid nni ameqqran n ddunect-a itwaḥkem.

2 Buṭrus 1:19

Neccin ȓexxu ɣarneɣ awaȓen n lʼanbiya twaḍemmnen ktar zi min nefhem qbeȓ. Aḏ teggem mliḥ meȓa teggem ḏaysen array nwem am i yijjen n nnur itceƹciƹen ḏeg yijjen n ṯaǧest aȓ d ɣa iṣbeḥ Nhar nni aḏ d igaƹƹeḏ Yiṯri n ȓefjar ḏeg wuȓawen nwem.

2 Ayṯ-Kurinṯ 3:11

Cuf, min itwatekksen iƹni ccariƹa nni, meȓa ṯusa-d s yijjen n lƹaḍama, wa labud lƹaḍama-ya n ȓƹaheḏ itduman aḏ tiȓi ktar aṭṭas zi ṯen nneɣni!

1 Ayṯ-Kurinṯ 10:20

Lla, walakin qqareɣ belli min ɣarrṣen lkuffar ḏ dbiḥaṯ tqeddamen-ṯent i ccayaṭin maci i Arebbi. Nec war xseɣ ca akiḏsen ṯcarcem ak ccayaṭin.

Yuḥanna 12:45

Wenni iy ḏayi iẓrin, iẓra wenni iy ḏayi d issekken.

Yuḥanna 15:24

Maƹlik war xḏimeɣ akiḏsen lmuƹjizaṯ war ṯent ixḏim uȓa ḏ ijjen illa nec, ataf war ɣarsen bu ȓmuƹṣiyeṯ. Walakin ȓexxu niṯni ẓrin lmuƹjizaṯ inu ƹiffen-ayi nec uȓa ḏ Baba.

Yuḥanna 1:18

Uȓa ḏ ijjen war iẓri Arebbi ƹemmarṣ. Mmis waḥḏes ig iǧan ḏeg wuȓ n Babas ḏ netta iy ḏaneɣ d ismeḍharen Siḏi Arebbi.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Ȓexḏayem 26:23

Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

2 Ayṯ-Kurinṯ 2:11

Manaya ḥima Cciṭan war ḏaneɣ ixeddeƹ ca, aqa war nɣeffeȓ ca x min itciṭin netta.

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Iƹibraniyen 6:4

Amma yinni mixef iceƹceƹ nnur, qqasen lhadiya n ujenna, carrcen ḏi Arruḥ iqeddsen,

1 Yuḥanna 2:11

Wenni itƹiffan umas ataf netta ƹaḏ aqaṯ ḏi ṯaǧest ataf iggur ḏi ṯaǧest. War issin ca mani iggur ȓaḥeqqac ṯaǧest nni ṯesḍaɣeȓ-iṯ zi ṯiṭṭawin nnes.