2 Ayṯ-Kurinṯ 3:7 - Ṯarifiṯ 2020

⁷ Fa ccariƹa nni n ȓmewṯ, ṯira nnes neqcent ḏi ṯeȓwiḥin n uzru. ccariƹa nni ṯusa-d s yijjen n lƹaḍama ḏ ṯameqqrant, ataf Ayṯ-Israʼil war zemmaren aḏ qqimen xezzaren ḏeg uɣembub n Musa s lƹaḍama nni iy ḏayes itceƹciƹen waxxa tiȓi traḥ-as lƹaḍama nni.

2 Ayṯ-Kurinṯ 3:7 Referans Kwoze

1 Ayṯ-Kurinṯ 13:10

Min iǧan qaƹ ikmaȓ aḏ d iban ḏanita, ssenni min iǧan ḏ aneqṣi aḏ iweddar netta.

Ayṯ-Ruma 10:4

Li'anna Lmasiḥ ḏayes ḏi netta iy ṯkemmeȓ ccariƹa ḥima marra wi zzayes ɣa yamnen aḏ imeṣȓaḥ ak Arebbi.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 3:3

Ṯbanem-d belli kenniw am yijjen n ṯebrat zi Lmasiḥ, nessiweḍ-it neccin. War ṯuri ca s smex, ṯura s Arruḥ n Arebbi iddaren. War ṯenqic ca ḏi ṯeȓwiḥin n uzru, ṯenqec ḏi ṯeȓwiḥin n wuȓ n bnaḏem.

Ayṯ-Ruma 4:15

Aqa ccariƹa n Musa tawi-d lƹiqab n Arebbi. Walakin mani war tiȓi ca ccariƹa war tiȓi ca ḏinni ȓmuƹṣiyeṯ.

Ayṯ-Ruma 7:10

Ṯumma ufiɣ ȓuṣiyeṯ nni iy d yusin aḏayi ṯuc ṯuḏarṯ, lla, qa nec ṯuwi-yayi ɣar ȓmewṯ.

Ȓexḏayem 6:15

Xezzaren ḏayes ḏi Stifan marra yinni iy ḏinni iǧan ḏi Jmaƹeṯ n lḥukkam n Ayṯ-Israʼil, ufin aɣembub nnes am uɣembub n lmalaʼika.

Ayṯ-Ruma 7:22

Liʼanna ḏi nnefs inu nec farḥeɣ s ccariƹa n Arebbi,

Iƹibraniyen 9:4

Ḏayes ȓmejmar n tbaxur icellel s ddheb, u ḏ tabut n ȓƹaheḏ marra iɣezḏisen nnes u ḏ ṯisi nnes celllen s ddheb. Ḏi tabut-a ḏayes aqnuc itwaṣenneƹ s ddheb, aqnuc nni ḏayes aɣrum umi qqaren lmanna. Tabut-a ƹaweḏ ḏayes ṯaɣȓiṯ n Harun ṯnewwar, ḏ ṯeȓwiḥin n ƹecra n ȓuṣiyaṯ.

Ayṯ-Ruma 5:20

U ccariƹa nettaṯ ṯuḏef-d ḥima aḏ kṯarent ȓmuƹṣiyaṯ. Walakin cḥaȓ ma kṯarent ȓmuƹṣiyaṯ, arḍa n Arebbi ikṯar ktar zzaysent.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

2 Ayṯ-Kurinṯ 3:8

Ȓexxu ȓƹaheḏ ruḥiya, lƹaḍama nnes ktar aṭṭas zi ccariƹa nni!

Ayṯ-Galaṭya 3:10

Cuf, marra yinni itƹewwaȓen x ṭṭaƹa n Ccariƹa n Musa twanaƹƹȓen. Mayemmi? Ȓaḥeqqac Lkitab iqqar:

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Iƹibraniyen 3:3

Cuf, Ƹisa yufi-ṯ isḏaheǧ lƹaḍama ktar zi nnabi Musa mammec iǧa bab n ṯeddarṯ isḏaheɣ ccan ktar zi ayṯbab n ṯeddarṯ nni iy ḏinni d yurew.

Iƹibraniyen 12:18

Cuf, kenniw war ṯqarrbem ca ɣar yijjen n uḏrar iy ɣa tḥaḏam s ufus ḏayes ṯimessi ṯḥeddeq ḏayes ṯaǧest ḏayes ṯubarcant ḏayes arriḥ aṭṭas.