2 Ayṯ-Kurinṯ 3:1 - Ṯarifiṯ 2020

¹ Neccin, ma nebḏa a ncekkar ixef nneɣ ƹaweḏ zaƹma bac aḏawem nqeddem ixef nneɣ? Ma neccin am ca n iṯarrasen ɣa iḥḏajen ṯibraṯin bac axaneɣ cehhḏent, iƹni ṯibraṯin nni aḏ d asent zzaywem niɣ aɣarwem d asent?

2 Ayṯ-Kurinṯ 3:1 Referans Kwoze

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 10:12

Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

2 Ayṯ-Kurinṯ 5:12

Ma nebḏa a ncekkar ixef nneɣ ƹaweḏ zaƹma? Lla, nticc-awem minzi xaneɣ ɣa teftaxarem. Mayemmi? Iƹni ḥima aɣarwem yiȓi minzi ɣa ṯarrem x yinni iteftaxaren x min d itbanen ɣar barra maci min iǧan ɣar ḏaxeȓ ḏeg wuȓ.

Ȓexḏayem 18:27

Wami ixes Apulus aḏ isafer ɣar lʼiqlim n Uxaya, cejjƹen-ṯ ayṯmas urin-asen ijjen n ṯebrat i imeḥḍaren nni n ḏinni bac azzayes reḥben. Wami yuweḍ ɣar lʼiqlim nni iƹawen aṭṭas yinni yumnen s arḍa n Arebbi.

1 Ayṯ-Kurinṯ 16:3

Menbaƹd, iƹni xmi iy d ɣa awḍeɣ nec, ataf aḏ d ssekkeɣ yinni iy ɣa ṯsejjlem ḏi ṯebraṯin belli ḏaysen ttiqeṯ aḏ raḥen aḏ awin ṣṣaḏaqa-ya iy ṯesmunem ɣar ṯendint n Lquds.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 10:8

Waxxa teftaxareɣ cwayt s ṣṣaraḥa-ya x ssulṭa nni iy ḏaneɣ yuca Siḏiṯneɣ, walakin war tseḏḥiɣ ca zi manaya. Ssulṭa-ya yuca-aneɣ-t ḥima akenniw nsejheḏ maci ḥima akenniw nrez.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 4:15

Waxxa akiḏwem ƹecraȓaf n lmurebbiyin ḏi Lmasiḥ, war ɣarwem ca aṭṭas n babaṯwem. Liʼanna ḏi Ƹisa Lmasiḥ nec ḏ babaṯwem ḏi Lʼinjil.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

Ayṯ-Ruma 16:1

Fa tweṣṣiɣ-kenniw x učmaṯneɣ Fifi ig ixeddmen i jmaƹṯ n ȓmuminin ḏi ṯendint n Kanxarya.

2 Ayṯ-Kurinṯ 10:18

Liʼanna maci wenni itqeddamen ixef nnes iy ɣa itwaqebbȓen; Lla, wenni iy ɣa itwaqebbȓen ḏ Siḏi Arebbi iy ṯ ɣa iqeddmen.