2 Ayṯ-Kurinṯ 2:7 - Ṯarifiṯ 2020

⁷ Ȓexxu aḏas ṯsemḥem ƹawnem-ṯ bac war iɣerreq ca s uxeyyeq aṭṭas.

2 Ayṯ-Kurinṯ 2:7 Referans Kwoze

Ayṯ-Ufasus 4:32

Teggeṯ ȓxir ak wayawya, tḥinnam x wayawya. Semmḥem i wayawya mammec ḏawem iɣfar Arebbi ḏi Lmasiḥ.

Ayṯ-Kulus 3:13

Ṣbareṯ ak wayawya. Meȓa can yijjen zzaywem ɣares can lmuckil iy zzayes ɣa iceṯca x unneɣni, itxeṣṣa ijjen aḏ ismeḥ i unneɣni. Mammec ḏawem iɣfar Arebbi i kenniw, amenni iy ɣa ṯsemḥem i yiwḏan.

2 Ayṯ-Salunik 3:6

Fa ay ayṯma, netweṣṣa-kenniw ƹlaḥsab isem n Siḏiṯneɣ Ƹisa Lmasiḥ aḏ tbeƹƹḏem zi mkuȓ ȓmumen itbaƹen farq-ccɣeȓ, netta war iḏeffar ca ttaƹlim iy ṯqebȓem zzayneɣ.

1 Ayṯ-Salunik 4:13

Fa ay ayṯma, war nexs ca aḏ tqefȓem i yixef nwem ƹlaḥsab yinni iṭṭṣen ḏeg imeḍȓan bac war txeyyiqem ca am yinni nneɣni war ḏi iǧi bu lʼamal.

Ayṯ-Filippas 2:27

Wah, tuɣa ihȓec ḏ ṣṣaḥ. Tuɣa ƹȓayen immuṯ walakin Arebbi irḥem-iṯ. War iǧi ca netta waha, irḥem-ayi uȓa ḏ nec bac war xafi itmarni ȓhemm x ȓhemm.

2 Ayṯ-Kurinṯ 7:10

Cuf, axiyyeq zi Arebbi itarew-d ttuba, ttuba-ya ṯneddeh-ikenniw aḏ tnejmem war tejji bu ndameṯ. Axiyyeq zi ddunect-a lla, itarew-d ȓmewṯ.

2 Ayṯ-Kurinṯ 5:4

Liʼanna xmi netɣemmas s ddat-a nneɣ, tbessaȓ xaneɣ neccin ƹaḏ nnehhek. Iwa war nrezzu ca a niȓi bȓa arruḍ, nrezzu a neɣmes s ddat nneɣ n ujenna, mayemmi? Bac min ifennan aṯ iseɣȓey min war itmettin.

1 Ayṯ-Kurinṯ 15:54

Min ifennan xmi ɣa iɣmes s min war ifennin, ḏ min itmettan xmi ɣa iɣmes s min war itmettin, ȓexddenni aḏ d iffeɣ min yurin ḏi Lkitab: <Ȓmewṯ iseɣȓey-t arbaḥ.>

2 Ayṯ-Kurinṯ 2:8

S manaya tettareɣ zzaywem aḏas ṯesbeyynem ƹaweḏ ȓemḥibbeṯ nwem.