2 Ayṯ-Kurinṯ 2:3 - Ṯarifiṯ 2020

³ Tuɣa uriɣ ṯabrat nni bac war ḏayi tesxeyyaqem ca, rezzuɣ axmi d ɣa aseɣ ɣarwem u labud aḏayi tesfarḥem. Meȓa farḥeɣ aḏ iȓiɣ nec metʼakked aḏ tfarḥem uȓa ḏ kenniw.

2 Ayṯ-Kurinṯ 2:3 Referans Kwoze

Ayṯ-Galaṭya 5:10

Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

2 Ayṯ-Kurinṯ 8:22

Ƹaweḏ nessekk akiḏsen umaṯneɣ nneɣni aṭṭas n ṯwaȓaṯin njarreb-iṯ nufi-ṯ ixeddem mliḥ s wuȓ nnes. Ȓexxu ƹlaḥsab ttiqeṯ ṯameqqrant iy ɣares ḏaywem ixeddem s wuȓ nnes ƹaḏ ktar zi min tuɣa ixeddem qbeȓ.

Filimun 1:21

Nec tʼakkadeɣ s ṭṭaƹa nnec, s manaya tariɣ-ac-d ṯabrat-a ssneɣ cek aḏ teggeḏ ktar zi min ḏac tṭalabeɣ.

2 Ayṯ-Kurinṯ 7:12

Nec uriɣ-awem-d ṯabrat nni, mayemmi? Ma ƹlaḥsab wenni iḍeȓmen niɣ ḏ wenni itwaḍeȓmen? Lla, uriɣ-awem-t-id bac akenniw sfehmeɣ zzaṯ i Arebbi mecḥaȓ iy ḏaneɣ teggem array s wuȓ.

2 Ayṯ-Salunik 3:4

Neccin qa metʼakkedin ḏi Siḏi Arebbi aqa minzi kenniw nweṣṣa qa teggem-ṯ, aṯ teggem ƹaḏ.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 7:8

Iwa wami kenniw sxeyyqeɣ s ṯebrat nni inu nneɣni, ḏ amezwaru tuɣa nedmeɣ ȓexxu war ndimeɣ ca. Iƹni nedmeɣ wami ẓriɣ ṯabrat nni inu ṯesxeyyeq-ikenniw ḏeg yijjen n ȓweqṯ walakin ṯeƹḏu ḏeɣya.

2 Ayṯ-Kurinṯ 7:6

Walakin Arebbi, iƹni wenni itƹawanen yinni itxeyyaqen iƹawen-aneɣ s umaṯneɣ Titus wami d yusa.

2 Ayṯ-Kurinṯ 1:15

U s lʼiftixar-a tuɣa rezzuɣ ḏ amezwaru aɣarwem d ggeɣ ijjen n zziyara ḥima aḏawem dubliɣ lbaraka.

1 Ayṯ-Kurinṯ 4:21

Mamc ṯrezzum aḏ d aseɣ? Ma s uƹmuḏ ma s ȓemḥibbeṯ ak yijjen n wuȓ iṣebbaren?

2 Ayṯ-Kurinṯ 1:23

Iwa tettareɣ i Arebbi aḏ yiȓi netta ḏ ccaheḏ inu qa nec tuɣa rezzuɣ axawem ḥinneɣ wami ugiɣ aɣarwem d aseɣ ɣar Kurinṯ.

2 Ayṯ-Kurinṯ 2:9

Uriɣ-awem-d manayenni bac akenniw jarrbeɣ aḏ ssneɣ ma tṭaƹam ḏi marra ma lla.

2 Ayṯ-Kurinṯ 7:16

Farrḥeɣ wami zemmareɣ axawem tƹewwaȓeɣ ḏi min ḏi ma.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.