2 Ayṯ-Kurinṯ 13:3 - Ṯarifiṯ 2020

³ Mayemmi? Liʼanna ṯrezzum ddalil Lmasiḥ issawaȓ zzayi. Ma iḍƹef netta ḏi ȓwesṭ nwem? Lla, ijheḏ jarawem.

2 Ayṯ-Kurinṯ 13:3 Referans Kwoze

Matta 10:20

War iǧi bu ḏ kenniw iy ɣa issiwȓen; Lla, ḏ Arruḥ n Babaṯwem iy ɣa issiwȓen ḏeg umcan nwem.

2 Ayṯ-Kurinṯ 12:12

Ṯimesȓayin nni iy d isbeyyanen nec ḏ arrasul iy ǧiɣ niṯenti tuɣa twaxeȓqent-id jarawem s yijjen n ṣṣbar ḏ ameqqran, iƹni lƹalamaṯ ḏ lmuƹjizaṯ ḏ lburhanaṯ.

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

2 Ayṯ-Kurinṯ 10:4

Ȓesnaḥ nneɣ maci am wenni ig isxeddam bnaḏem, ɣarneɣ ijjen n ȓesnaḥ nneɣ zi Siḏi Arebbi zzayes iy netrezza imucan ijehḏen.

2 Ayṯ-Kurinṯ 2:10

Wenni umi ɣa ṯsemḥem uȓa ḏ nec aḏas semḥeɣ. Meȓa ḏinni can ȓḥajeṯ aḏas semḥeɣ, qa semḥeɣ-as-t. Semḥeɣ-as ƹlaḥsab kenniw, icheḏ xas Lmasiḥ.

2 Ayṯ-Kurinṯ 2:6

Bnaḏem-a, lƹiqab nni iy ḏas ṯeggim teqȓiban marra iḏwem, baraka xas.

1 Ayṯ-Kurinṯ 7:40

Walakin mammec twaȓiɣ nec, aḏ tfareḥ ktar meȓa ṯeqqim mammec ṯeǧa. Wah, tfekkareɣ belli uȓa ḏ nec akiḏi Arruḥ n Arebbi ḏi manaya.

2 Ayṯ-Kurinṯ 9:8

Arebbi netta izemmar akenniw isfeyyeḍ s lbaraka bac ataf ȓebda aɣarwem yiȓi min teḥḏajam marra ṯumma aḏ tarnim aṭṭas ḏi marra ȓxeḏmeṯ ṯaṣebḥant.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.