2 Ayṯ-Kurinṯ 13:11 - Ṯarifiṯ 2020

¹¹ Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

2 Ayṯ-Kurinṯ 13:11 Referans Kwoze

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

Ayṯ-Ruma 15:33

Arebbi n ȓehna akiḏwem yiȓi marra iḏwem. Amin.

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Marqus 9:50

Ȓemȓeḥ ṯṣeǧaḥ, walakin meȓa iruḥ-as lmaḏaq nnes, mamc ḏas ɣa negg aḏas ṯiḏ narr? Aɣarwem ṯiȓi ȓemȓeḥ ḏi nnefs nwem, iȓim ḏi ȓehna ak wayawya."

1 Buṭrus 3:11

Itxeṣṣa aḏ iggwej x ccarr aḏ igg ȓxir, aḏ irzu x ssalam aṯ iḏfar.

2 Ayṯ-Kurinṯ 13:14

Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

2 Ayṯ-Kurinṯ 13:9

Liʼanna nfarreḥ meȓmi ma neḍƹef, kenniw tiȓim ṯjehḏem. Ḏ manaya mixef nrezzu ḏi ṯẓaǧiṯ nneɣ aḏ tṣeȓḥem nican.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

Yaƹqub 1:4

U labud ṣṣbar-a aḏaywem ikemmeȓ ccɣeȓ nnes ḥima aḏ temɣarem aḏ tƹemmarem s lʼiman war ḏawem ṯneqqiṣ uȓa ḏ ijjen n ȓhajeṯ.

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

Ayṯ-Filippas 4:9

Min ṯȓemḏem ḏ min ṯqebȓem zzayi ḏ min ṯesȓim ḏ min ṯeẓrim xafi itxeṣṣa u labud aḏ tesxeḏmem ṯimesȓayin-a. Ṯumma akiḏwem yiȓi Arebbi n ȓehna.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Ruma 16:20

Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Lwaḥi 22:21

Aḏ yiȓi arḍa n Siḏiṯneɣ Ƹisa ak kuȓ ijjen. Amin.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

2 Ayṯ-Salunik 3:16

Siḏiṯneɣ n ȓehna aḏawem yuc ijjen ȓehna ḏi aya ȓweqṯ u s marra ṯimesȓayin. Aḏ yiȓi Siḏi Arebbi akiḏwem marra.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

1 Ayṯ-Salunik 5:16

Farḥem ȓebda,

1 Ayṯ-Salunik 5:13

Ucem-asen ijjen n lqima ṯemɣar s ȓemḥibbeṯ nwem ƹlaḥsab ȓxeḏmeṯ nsen. Iȓim ƹaweḏ ḏi ȓehna ak wayawya.

1 Ayṯ-Salunik 4:18

Iḏen, cejjƹeṯ ayawya s wawaȓen-a.

Ayṯ-Filippas 4:4

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Ayṯ-Filippas 4:2

Tettareɣ i suyṯmaṯneɣ Ṯudya ḏ Ṯinticya bac aḏ yiȓi array nsent ḏ ijjen ak Siḏiṯneɣ.

Ayṯ-Filippas 3:16

Walakin min nessen ƹaḏ nican labud aḏayes neṭṭef mliḥ.

Ayṯ-Ufasus 6:23

Aḏ yiȓi ȓehna i ayṯmaṯneɣ ḏ ȓemḥibbeṯ ak lʼiman zi Arebbi Babaṯneɣ ḏ Siḏiṯneɣ Ƹisa Lmasiḥ.

2 Ayṯ-Kurinṯ 1:4

Itƹawan-aneɣ ḏi marra tamara nneɣ ḥima neccin s umƹawan-a iy zi ḏaneɣ itƹawan Arebbi nzemmar a nƹawen yinni iǧan ḏi kuȓ tamara.

Ȓexḏayem 23:30

Wami d arriɣ ȓexbar ciṭṭnen xas, ssekkeɣ-ṯ-iḏ ɣarek ḏeɣya. Umareɣ yinni xas iy ggin ttuhmaṯ aḏac ƹawḏen min ɣarsen ḍed nnes."

Ȓexḏayem 18:21

Wami xasen imsafaḍ inna-asen qa meȓa ixes Arebbi, ƹaḏ aḏ d ƹeqbeɣ. Ssenni inya ḏeg uɣarrabu iffeɣ zi ṯendint nni n Ufasus.

Ȓexḏayem 15:29

Iƹni aḏ tbeƹƹḏem x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad. Meȓa ṯbeƹƹḏem x ṯmesȓayin-a wa ataf ṯeggim mliḥ. Akenniw iƹawen Arebbi."

Yuḥanna 17:23

Cek aqac ḏayi nec aqayi ḏaysen, ḥima aḏ munen aḏ iȓin ḏ ijjen. Ḥima aḏ ssnen yiwḏan qa cek ṯessekkeḏ-ayi-d ɣar imeḥḍaren-a, tḥibbiḏ-ṯen amecnaw mammec ḏayi tḥibbiḏ nec.

Luqa 9:61

Yusa-d ijjen nneɣni inna-as i Ƹisa: "Acek ḏfareɣ a Siḏi, walakin ḏ amezwaru ejj-ayi aḏ msafaḍeɣ x familya inu."

Marqus 10:49

Ibedd Ƹisa inna-asen: "Ȓaɣam-d xas." Ȓaɣan-d x uḍarɣaȓ nni nnan-as: "Fareḥ cek kkar, aqa itȓaɣa-d xak Ƹisa."

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

Matta 1:23

(Ȓmaƹna nnes: Arebbi aqaṯ akiḏneɣ.)

Ayṯ-Ufasus 4:3

Ggeṯ marra lmejhud nwem bac aḏ tiȓim ḏ ijjen ḏi Arruḥ iqeddsen wami ṯeṭṭfem fus ḏeg ufus s ȓehna.

Ayṯ-Ruma 14:19

Iḏen fa itxeṣṣa-yaneɣ u labud a negg lmejhud nneɣ bac a negg min itawin ɣar ȓehna ḏ minzi ɣa ncejjeƹ ayawya.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

1 Ayṯ-Salunik 3:10

Ǧiȓeṯ ḏ nhar ntettar-as i Arebbi s wuȓawen nneɣ bac akenniw nẓer ƹaweḏ, aḏawem narni min ineqqṣen ḏi lʼiman nwem.

2 Ayṯ-Salunik 3:1

Amma ṯimesȓayin nneɣni ay ayṯma, ttareṯ xaneɣ i Arebbi bac awaȓ n Siḏiṯneɣ aḏ itentacar aḏ itwasemɣar mammec iy iweqƹen jarawem.