2 Ayṯ-Kurinṯ 13:10 - Ṯarifiṯ 2020

¹⁰ S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

2 Ayṯ-Kurinṯ 13:10 Referans Kwoze

2 Ayṯ-Kurinṯ 10:8

Waxxa teftaxareɣ cwayt s ṣṣaraḥa-ya x ssulṭa nni iy ḏaneɣ yuca Siḏiṯneɣ, walakin war tseḏḥiɣ ca zi manaya. Ssulṭa-ya yuca-aneɣ-t ḥima akenniw nsejheḏ maci ḥima akenniw nrez.

2 Ayṯ-Kurinṯ 2:3

Tuɣa uriɣ ṯabrat nni bac war ḏayi tesxeyyaqem ca, rezzuɣ axmi d ɣa aseɣ ɣarwem u labud aḏayi tesfarḥem. Meȓa farḥeɣ aḏ iȓiɣ nec metʼakked aḏ tfarḥem uȓa ḏ kenniw.

Titus 1:13

Aqa chaḏeṯ nni iy inna nican iy ṯeǧa. Iḏen, nha-ṯen s ȓeqsaḥeṯ ḥima aḏ iȓin nican ḏi lʼiman.

2 Ayṯ-Kurinṯ 13:8

Cuf, war nzemmar a negg walu ḍed i lḥaqiqa; nxeddem i lḥaqiqa.

2 Ayṯ-Kurinṯ 10:2

Tettareɣ-kenniw bac war ḏayi tijjim ca aḏ iȓiɣ qesḥeɣ ak ȓebƹaḏ zzaywem am trajiɣ nec aḏ ggeɣ, ȓebƹaḍ-a tfekkaren qa netƹic s array n bnaḏem waha.

1 Ayṯ-Kurinṯ 4:21

Mamc ṯrezzum aḏ d aseɣ? Ma s uƹmuḏ ma s ȓemḥibbeṯ ak yijjen n wuȓ iṣebbaren?

2 Ayṯ-Kurinṯ 13:2

Nec ḏi zziyara iy tuɣa d ggiɣ ɣarwem wis ṯnayen ƹeȓmeɣ-asen i yinni iƹeṣṣan ḏ yiwḏan nneɣni marra. Ȓexxu xmi xawem tɣabiɣ aḏawem ƹeȓmeɣ ƹaweḏ, iƹni xmi d ɣa awḍeɣ uȓa ḏ ijjen zeg yinni iƹeṣṣan ma axas ḥinneɣ.

1 Ayṯ-Kurinṯ 5:4

Xmi ɣa ṯmunem s yisem n Siḏiṯneɣ Ƹisa akiḏwem yiȓi arruḥ inu, s jjheḏ n Siḏiṯneɣ Ƹisa

2 Ayṯ-Kurinṯ 6:6

Netqeddam-awem ixef nneɣ s ṣṣfa iy ɣarneɣ ḏ ȓefhameṯ ḏ ttasiƹ n ȓxaḍar ḏ ȓxir ḏ Arruḥ iqeddsen ḏ ijjen n ȓemḥibbeṯ bȓa nnifaq;

2 Ayṯ-Kurinṯ 10:4

Ȓesnaḥ nneɣ maci am wenni ig isxeddam bnaḏem, ɣarneɣ ijjen n ȓesnaḥ nneɣ zi Siḏi Arebbi zzayes iy netrezza imucan ijehḏen.