2 Ayṯ-Kurinṯ 12:1 - Ṯarifiṯ 2020

¹ U labud aḏ ftaxareɣ ƹaḏ, waxxa war ḏayes bu nnfaƹ. Aḏ ssiwȓeɣ ȓexxu x ṯmesȓayin iy d ihwan ḏi lwaḥi ḏ ṯmesȓayin innufaren iy d isbeyyen Siḏiṯneɣ.

2 Ayṯ-Kurinṯ 12:1 Referans Kwoze

Ayṯ-Galaṭya 1:12

War ḏayi d yusi zi ḥadd, war ḏayi ṯ sȓemḏen ca yiwḏan; Lla, netta ihwa-d xafi ḏ lwaḥi zi Ƹisa Lmasiḥ.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

2 Ayṯ-Kurinṯ 12:7

Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 8:10

Ȓexxu nec aḏawem uceɣ array inu ḏi manaya, azzayes ṯawim nnfaƹ. Azeḏɣaṯ kenniw ig iṣeddqen ḏ imezwura; u kenniw ƹaweḏ ḏ imezwura iy ṯexsem aḏ teggem manayenni.

1 Ayṯ-Kurinṯ 10:23

Marra ṯimesȓayin ḥeǧȓent, walakin maci marra ṯimesȓayin testenfaƹent. Marra ṯimesȓayin ḥeǧȓent, walakin maci marra ṯimesȓayin aḏaneɣ sjehḏent.

Ȓexḏayem 23:11

Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 18:9

Ijjen n ǧiȓeṯ yuḥa-yas-d Siḏi Arebbi i Bulus inna-as: "War teggweḏ ca, siweȓ war stuka ca.

Yuḥanna 16:7

Aqa tesȓam ȓḥaqq: Ḥsen i kenniw aḏ raḥeɣ. Meȓa war ruḥeɣ ca, ataf war ɣarwem d itis ca Lmuƹawin nni. Walakin meȓa ruḥeɣ, ataf aḏawem ṯiḏ ssekkeɣ.

1 Ayṯ-Kurinṯ 6:12

Nec ɣari marra ṯimesȓayin ḥeǧȓent, walakin war neffƹent ca marra ṯimesȓayin nni. Ɣari marra ṯimesȓayin ḥeǧȓent, walakin itxeṣṣa war xafi trayi uȓa ḏ ijjen n ṯmesȓayṯ.

Yuḥanna 18:14

Netta tuɣa inṣeḥ israʼiliyen inna-asen qa ḥsen aḏ immeṯ ijjen n uryaz x ccaƹb.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

1 Ayṯ-Kurinṯ 14:6

Fa ȓexxu ay ayṯma, meȓa usiɣ-d ɣarwem ssawaȓeɣ nec s lluɣaṯ ruḥiyaṯ, man nnfaƹ iy zi kenniw ɣa nefƹeɣ illa meȓa uwiɣ-awem-d can lwaḥi niɣ can ṯusna niɣ can wawaȓ iy ƹeȓmeɣ zi Arebbi niɣ can n ttaƹlim?

2 Ayṯ-Kurinṯ 12:5

Ijjen n uryaz am wanita zemmareɣ nec azzayes ftaxareɣ. Walakin war teftaxareɣ ca zi min ḏayi d yusin, teftaxareɣ zi ḍḍuƹef inu u ṣafi.

2 Ayṯ-Kurinṯ 12:9

Netta inna-ayi lla, icfa-yac arḍa inu; Jjheḏ inu aḏ iḏweȓ ikmaȓ s ḍḍuƹef-a. Falihaḏa farrḥeɣ aṭṭas aḏ ftaxareɣ s ḍḍuƹef n jjheḏ inu bac jjheḏ n Lmasiḥ aḏayi izḏeɣ.

1 Ayṯ-Salunik 4:15

Ƹlaḥsab awaȓ n Siḏiṯneɣ neqqar-awem qa neccin iƹni yinni ƹaḏ iddaren iƹni yinni ƹaḏ iqqimen ḏi ddunect-a xmi d ɣa yas Siḏiṯneɣ qa neccin war netgaƹƹiḏ ca ḏ imezwura x yinni iṭṭṣen ḏeg imeḍȓan.