2 Ayṯ-Kurinṯ 11:9 - Ṯarifiṯ 2020

⁹ Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.

2 Ayṯ-Kurinṯ 11:9 Referans Kwoze

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

1 Ayṯ-Salunik 2:6

War nexs ca iryazen aḏaneɣ cehharen: lla kenniw, lla can iryazen nneɣni. Neccin tuɣa nzemmar axawem nzeyyar s ssulṭa nneɣ am arrusul.

Iƹibraniyen 11:37

Rejmen-ṯen s uzru, qessen-ṯen x ṯnayen s ȓmencar, nɣin-ṯen s ssif. Gguren s yiȓemawen n iḥuȓiyen ḏ iɣayḏen. Niṯni ḏ imesƹan, twaƹeddaben, tenƹeddan xasen.

Ayṯ-Filippas 2:25

Cuf, twaȓiɣ labud aḏawem d arreɣ uma Parfulitus wenni iy kiḏi itemƹacaren am ca n umjaheḏ. Netta ḏ amsexxar nwem wenni iy ḏayi d ṯessekkem bac aḏayi ithilla.

2 Ayṯ-Kurinṯ 9:12

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

Ȓexḏayem 20:33

Nec ƹemmarṣ war ḍmiƹeɣ i yixef inu can n ddheb niɣ ḏ nnuqarṯ niɣ ḏ warruḍ n can ḥadd.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ayṯ-Ruma 15:26

Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

1 Ayṯ-Kurinṯ 16:17

Nec farḥeɣ wami d usin Stifanus ḏ Furtunaws ḏ Axeykus ȓaḥeqqac ƹemmaren imucan nwem.