2 Ayṯ-Kurinṯ 11:7 - Ṯarifiṯ 2020

⁷ Ma ḏ ȓƹib meȓa beccareɣ-kenniw s Lʼinjil n Arebbi bȓa ma ḏayi ṯxeǧsem, iƹni semzayeɣ ixef inu bac akenniw sgaƹƹḏeɣ?

2 Ayṯ-Kurinṯ 11:7 Referans Kwoze

2 Ayṯ-Kurinṯ 12:13

Ma ḏinni ca n ṯmesȓayṯ minxef arḍiɣ nec ḏi ṯjumaƹ n ȓmuminin ṯinneɣni war xas arḍiɣ ca jarawem? Wah icten, iƹni war xawem tbessiȓeɣ ca! Semḥem-ayi x falṭa-ya.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

1 Ayṯ-Kurinṯ 9:6

Ma nec ḏ Barnaba waheḏneɣ iy war ɣar iǧi ȓḥaqq ḏi ccarḍ, ma itxeṣṣa-yaneɣ i neccin a nexḏem ḏi can ȓḥajeṯ nneɣni bac a nƹic?

2 Ayṯ-Salunik 3:8

War necci bu uɣrum ak ḥadd baṭeȓ. Lla, nxeddem ǧiȓeṯ ḏ nhar, neccaṯ tamara nrebbeȓ bac war netbessiȓ x ḥadd zzaywem.

Ȓexḏayem 20:34

Kenniw ṯessnem nec tuɣa xeḏmeɣ s ifassen inu bac aɣari yiȓi min ḥḏajeɣ nec ḏ min ḥḏajen yinni akiḏi.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

Ȓexḏayem 20:33

Nec ƹemmarṣ war ḍmiƹeɣ i yixef inu can n ddheb niɣ ḏ nnuqarṯ niɣ ḏ warruḍ n can ḥadd.

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

2 Ayṯ-Kurinṯ 10:16

Ammu neccin a nbeccar s Lʼinjil ḏeg imucan aɣirin nwem, aqa war nexs ca a neftaxar s ȓxeḏmeṯ iy ggin midden.