2 Ayṯ-Kurinṯ 11:25 - Ṯarifiṯ 2020

²⁵ Ṯȓaṯa n ṯwaȓaṯin tmarraṯen-ayi s uƹmuḏ. Ijjen n ṯwaȓa rejmen-ayi s uzru. Ṯȓaṯa n ṯwaȓaṯin iɣreq zzayi uɣarrabu seƹḏuɣ ijjen n wass ḏ yijjen n ǧiȓeṯ ḏi ȓebḥar.

2 Ayṯ-Kurinṯ 11:25 Referans Kwoze

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Iƹibraniyen 11:37

Rejmen-ṯen s uzru, qessen-ṯen x ṯnayen s ȓmencar, nɣin-ṯen s ssif. Gguren s yiȓemawen n iḥuȓiyen ḏ iɣayḏen. Niṯni ḏ imesƹan, twaƹeddaben, tenƹeddan xasen.

Ȓexḏayem 16:37

Inna-asen Bulus i imxazniyen nni: "Uwṯin-aneɣ zzaṯ i yiwḏan bȓa ȓqanun nḍaren-aneɣ ḏi ȓeḥbes, walakin neccin ɣarneɣ ljinsiya n Ruma. Ȓexxu niṯni, ma rezzun aḏaneɣ sufɣen war d itarri ḥadd ȓexbar?" Inna-asen: "Lla, itxeṣṣa aḏ d asen lḥukkam nni s yixef nsen aḏaneɣ sufɣen!"

Ȓexḏayem 16:33

Ḏi ṯsaƹƹat nni s ǧiȓeṯ, yuwi-ṯen lḥaris n ȓeḥbes imseḥ-asen ijarriḥen. Ȓexddenni itwaṭehhar s waman netta ḏ marra ȓeḥbab nnes.

Ȓexḏayem 14:5

Kkaren israʼiliyen ḏ yinni war iǧin ca zi Ayṯ-Israʼil tafqen ak arruyas nsen bac aḏ ƹedden x arrusul aṯen rejmen s uzru.

Matta 21:35

Walakin min ggin ixemmasen nni? Ṭṭfen ixeddamen nnes, ijjen uwṯin-ṯ, ijjen nɣin-ṯ, ijjen rejmen-ṯ.

Ȓexḏayem 22:24

Ikkar arrayes n ȓƹaskar yumar aḏ siḏfen Bulus ɣar lqecla, aṯ uwṯen s usɣun aḏas ggen lʼistijwab mayemmi xas snekkaren ṯɣuyyeṯ qaƹ ammu.

Matta 20:19

aṯ sellmen i yinni war iǧin ca zi Ayṯ-Israʼil. Axas ḍeḥcen, aṯ uwṯen s usɣun, aṯ ṣellben. Nhar wis ṯeȓtiyyam aḏ d itwasnekkar zi ȓmewṯ."

1 Timutawus 1:19

ataf aɣarec yiȓi lʼiman nnec ḏ yijjen ḍḍamir ḏ aṣebḥan. Maci am ȓebƹaḍiṯ semḥen ḏi manaya uca lʼiman nsen iɣareq am yij uɣarrabu ḏi ȓebḥar.