2 Ayṯ-Kurinṯ 10:7 - Ṯarifiṯ 2020

⁷ Kenniw ṯxezzarem ɣar min d itbanen x wuḏem waha. Meȓa can yijjen metʼakked netta zi Lmasiḥ u labud aḏ ifekkar uȓa ḏ neccin zi Lmasiḥ am netta.

2 Ayṯ-Kurinṯ 10:7 Referans Kwoze

2 Ayṯ-Kurinṯ 5:12

Ma nebḏa a ncekkar ixef nneɣ ƹaweḏ zaƹma? Lla, nticc-awem minzi xaneɣ ɣa teftaxarem. Mayemmi? Iƹni ḥima aɣarwem yiȓi minzi ɣa ṯarrem x yinni iteftaxaren x min d itbanen ɣar barra maci min iǧan ɣar ḏaxeȓ ḏeg wuȓ.

1 Ayṯ-Kurinṯ 14:37

Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

Yuḥanna 7:24

Iwa, war tḥasabeṯ ca xafi ammu waha, ḥasbeṯ s ȓḥaqq."

1 Yuḥanna 4:6

Neccin zi Arebbi iy neǧa. Wenni issnen Arebbi itṣennaṭ-aneɣ. Wenni war iǧin ca zi Arebbi war ḏaneɣ itṣenniṭ ca. S manaya iy ɣa nessen Arruḥ n lḥaqiqa ḏ arruḥ n ixarriqen.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

1 Ayṯ-Kurinṯ 3:23

Kenniw n Lmasiḥ, u Lmasiḥ netta n Arebbi.

Ayṯ-Galaṭya 3:29

Meȓa kenniw zi Lmasiḥ ataf kenniw ḏ ṯarwa n Brahim ɣarwem lwareṯ nni ƹlaḥsab minzi ṯ iwƹeḏ Siḏi Arebbi.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

2 Ayṯ-Kurinṯ 13:3

Mayemmi? Liʼanna ṯrezzum ddalil Lmasiḥ issawaȓ zzayi. Ma iḍƹef netta ḏi ȓwesṭ nwem? Lla, ijheḏ jarawem.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 11:18

Xmi teftaxaren yiwḏan-a aṭṭas ƹlaḥsab min itegg bnaḏem, uȓa ḏ nec aḏ ftaxareɣ.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

1 Ayṯ-Kurinṯ 15:23

Walakin kuȓ ijjen nnubeṯ nnes: Lmasiḥ netta ḏ ṯafeǧaḥṯ ṯamezwarut. Xmi d ɣa iƹqeb netta, aḏ d tas nnubeṯ n yinni iǧan zzayes netta.

Luqa 16:15

Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.