2 Ayṯ-Kurinṯ 10:4 - Ṯarifiṯ 2020

⁴ Ȓesnaḥ nneɣ maci am wenni ig isxeddam bnaḏem, ɣarneɣ ijjen n ȓesnaḥ nneɣ zi Siḏi Arebbi zzayes iy netrezza imucan ijehḏen.

2 Ayṯ-Kurinṯ 10:4 Referans Kwoze

2 Ayṯ-Kurinṯ 6:7

s wawaȓ n lḥaqiqa ḏ jjheḏ n Arebbi ḏ ȓesnaḥ n ȓḥaqq ig iǧan ḏeg ufusi ḏ uẓermaḍ.

1 Ayṯ-Kurinṯ 2:5

ḥima lʼiman nwem war itbeddi ca s ȓefhameṯ n bnaḏem, aḏ ibbed s ṯzemmar n Arebbi.

1 Timutawus 1:18

A wulidi Timutawus, aḏac uceɣ lmasʼuliya-ya ṯanitan ƹlaḥsab awaȓen nni iy xac nnan lʼanbiya zi qbeȓ bac xmi xasen ɣa ṯƹeqȓeḏ ataf aḏ tmenɣeḏ mliḥ amenɣi-ya aṣebḥan,

Ayṯ-Ruma 13:12

Ǧiȓeṯ aqa ṯeƹḏu, nhar aqa yuweḍ-d. X manaya labud a nekkes ȓeḥwayej n ṯaǧest, a negg arruḍ n nnur n ȓeḥḏiḏ.

1 Ayṯ-Salunik 5:8

Neccin lla, neccin ḏ ṯarwa n nhar, aɣarneɣ yiȓi ȓaƹqeȓ. A negg ṯjilit nni n ȓeḥḏiḏ iǧan nettaṯ n lʼiman ḏ ȓemḥibbeṯ. A negg lkask nneɣ iǧan netta ḏ lʼamal n ufekki.

2 Ayṯ-Kurinṯ 4:7

Fa ȓkenz-a wanita aqaṯ ɣarneɣ ḏeg iɣerrafen n ucaȓ iƹni ḏi ddat nneɣ, bac aḏ d imeḍhar belli jjheḏ-a ameqqran aṭṭas itas-d zi Arebbi maci zzayneɣ.

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

2 Ayṯ-Kurinṯ 3:5

Iƹni marra manaya war ḏas nzemmar ca neccin s yixef nneɣ. War netḥessib ca belli ṯizemmar-a tasent-id zzayneɣ; Lla, tasent-id zi Arebbi.

Iƹibraniyen 11:30

S lʼiman ikkar ccaƹb ȓexddenni wḍan ȓeḥyuḍ n ṯendint n Ariḥa wami ḏas inneḍ ccaƹb sebƹiyyam.

2 Timutawus 2:3

Iȓi akiḏi ḏeg uƹeddeb am uƹeskari aṣebḥan n Ƹisa Lmasiḥ.

Ȓexḏayem 7:22

Uca sȓemḏen-as i Musa marra min ssnen imiṣriyen, iḏweȓ ɣares jjheḏ ḏi min iqqar ḏ min itegg.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

1 Ayṯ-Kurinṯ 9:7

Cuf, ma iǧa ca ḥadd aḏ yaḏef ḏi ȓƹaskar aḏ ixḏem bȓa ma aḏ itxaȓes? Lla! Ma iǧa ca ḥadd aḏ iẓẓu ṯzayarṯ uḍiȓ bȓa ma aḏ icc ṯizewrin nnes? Lla! Ma iǧa ca ḥadd aḏ yarwes ṯḥimerṯ bȓa ma aḏ isew aɣi nnes? Lla!

2 Ayṯ-Kurinṯ 10:8

Waxxa teftaxareɣ cwayt s ṣṣaraḥa-ya x ssulṭa nni iy ḏaneɣ yuca Siḏiṯneɣ, walakin war tseḏḥiɣ ca zi manaya. Ssulṭa-ya yuca-aneɣ-t ḥima akenniw nsejheḏ maci ḥima akenniw nrez.