2 Ayṯ-Kurinṯ 10:10 - Ṯarifiṯ 2020

¹⁰ Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 10:10 Referans Kwoze

1 Ayṯ-Kurinṯ 1:17

Liʼanna Lmasiḥ war ḏayi d issekk ca ḥima aḏ ṭehhareɣ i yiwḏan s waman; Lla, nec issekk-ayi-d aḏ beccareɣ s Lʼinjil walakin maci s ȓefhameṯ nni n wawaȓen izewwqen. Mayemmi? Bac jjheḏ iy iǧan ḏi ṣṣalib n Lmasiḥ war itbeṭṭiȓ ca.

2 Ayṯ-Kurinṯ 11:6

U nec waxxa war ssineɣ ca lxuṭba inu mliḥ, war ḏayi ṯenqiṣ ca ṯusna. Neccin ṯusna-ya nesbeyyen-awem-t-id nican s marra ṯimesȓayin.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

2 Ayṯ-Kurinṯ 10:9

War xseɣ ca aḏawem tɣiȓ belli nec akenniw siggwḏeɣ s ṯebraṯin inu.

2 Ayṯ-Kurinṯ 10:11

Lla! Wenni issawaȓen amenni itxeṣṣa-yas aḏ issen min neƹna neccin ḏi ṯebraṯin-a nneɣ axmi netɣab, amenni iy ɣa nexḏem xmi d nḥeṭṭar.

2 Ayṯ-Kurinṯ 11:21

Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 13:3

Mayemmi? Liʼanna ṯrezzum ddalil Lmasiḥ issawaȓ zzayi. Ma iḍƹef netta ḏi ȓwesṭ nwem? Lla, ijheḏ jarawem.