1 Timutawus 6:6 - Ṯarifiṯ 2020

⁶ Fa lʼiman iy ḏi ṯeǧa ȓeqnaƹeṯ netta ḏ ijjen n arbaḥ ḏ ameqqran.

1 Timutawus 6:6 Referans Kwoze

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

1 Timutawus 6:8

Falihaḏa neccin nejjiwen s min ɣa necc ḏ min ɣa nareḍ ḏ arruḍ u ṣafi.

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.

Ayṯ-Filippas 1:21

Minzi ɣari Lmasiḥ netta ḏ ṯuḏarṯ inu, ɣari ȓmewṯ nettaṯ ḏ ljaʼiza inu.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Luqa 3:14

Ƹaweḏ sseqsan-ṯ ȓƹaskar nnan-as: "Y neccin min ɣa negg?" Inna-asen Yaḥya: "War tkessim bu tmenyaṯ s bessif. War znuzam ḥadd x ȓbaṭeȓ. Qenƹem s min ṯrebḥem."

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Luqa 12:15

Inna-asen: "Ḥḍam ixef nwem, beƹƹḏeṯ x ṭṭmaƹ minzi ṯuḏarṯ n bnaḏem war tiȓi ca s waṭṭas n wagȓa."