1 Timutawus 6:4 - Ṯarifiṯ 2020

⁴ ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

1 Timutawus 6:4 Referans Kwoze

2 Timutawus 2:23

Awggwej zeg umnaqar nni iy ḏi iǧa ɣir ṯubuhȓiya ḏ ȓeqfaȓeṯ waha minzi ṯessneḏ belli itarew ɣir amenɣi u ṣafi.

2 Timutawus 3:4

aḏ zzenzen ayṯmaṯsen, aḏ ggen ṯimesȓayin bȓa ȓaƹqeȓ, aḏ uffen s nfaxeṯ, aḏ ḥibben ccehweṯ nsen war tḥibbin ca Arebbi,

1 Timutawus 3:6

Arrayes-a, maci yallah iy isȓem aḏ yuff s ttakebbur x ȓxeḏmeṯ-a aḏ iwḍa ḏi lƹuquba nni n Ibȓis.

Yahuḏa 1:10

Walakin iṯarrasen-a yina ssawaȓen s wawaȓ war iḥȓin x marra min war fehhmen ca. Ṯimesȓayin-a umi fehhmen iwa fehhmen-ṯent s ṭṭabiƹa nsen waha, niṯni ggin am ȓuḥuc iqefȓen. Ṯimesȓayin-a ḏ niṯenti iy ṯen ɣa imḥan!

2 Buṭrus 2:12

Iṯarrasen-a niṯni qqaren awaȓen war iḥȓin x ṯmesȓayin war fehhmen ca. Niṯni ggin am ȓuḥuc iqefȓen am lḥayawanaṯ iy iǧan s ṭṭabiƹa nsen iwƹaren. Xeȓqen-d iṯarrasen-a bac aḏ twaṭṭfen aḏ twanɣen mammec twaneqqen ȓuḥuc.

2 Timutawus 2:14

Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

1 Timutawus 1:7

Rezzun aḏ dewȓen ḏ imseȓmaḏen n ccariƹa, walakin war fehhmen ca min qqaren uȓa ḏ minxef tʼakkaden aṭṭas.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Titus 3:9

Walakin siggwej ixef nnec zeg imnaqaren iy ḏi ṯeǧa ɣir ṯubuhȓiya u ƹaweḏ zi lbaḥt nni n ṯcejjura n ȓejḏuḏ ḏ imenɣiwen ḏ imxarwaḍen x ccariƹa liʼanna niṯni ḏ ȓbaṭeȓ waha war neffƹen ca qaƹ.

Ȓexḏayem 15:2

Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Lwaḥi 3:17

Cek ṯeqqareḏ zaƹma qa nec ḏ ijjen n ttajar ggiɣ aṭṭas n wagȓa war ḥḏijeɣ walu. Iwa war ṯessineḏ ca qa cek ḏ amqeṭṭaƹ ḏ ameɣbun, ḏ imesƹi, ḏ aḏarɣaȓ, ḏ aƹeryan.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Filippas 2:14

Ggeṯ marra ṯimesȓayin bȓa ma aḏ tceṯcam bȓa ma aḏ tmenɣem.

Ayṯ-Filippas 2:3

War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.

Ayṯ-Filippas 1:15

Ḏ ṣṣaḥ ḏinni ȓebƹaḍ tbeccaren s Lmasiḥ s ȓeḥseḏ ḏ lƹadawa, u ḏinni ȓebƹaḍ tbeccaren nican s ȓxaḍar nsen.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

Ayṯ-Galaṭya 5:26

War nsemɣar ca ixef nneɣ s ttakebbur, war ḏayneɣ itiȓi ca ȓeḥseḏ ḏ ṯɣennant jaraneɣ.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

1 Ayṯ-Kurinṯ 11:18

Ḏ amezwaru, xmi tmunem jmaƹeṯ n ȓmuminin tesȓiɣ belli tiȓin jarawem lxilafaṯ, u nec tamneɣ manaya illa ḏayes cwayt n ṣṣaḥ.

1 Ayṯ-Kurinṯ 11:16

Meȓa ḏinni can yijjen irzu aḏ imɣannen x manaya, neccin war nennum ca can lƹada nneɣni, uȓa ḏ ṯijumaƹ n ȓmuminin n Arebbi war nnument ca can ȓḥajeṯ nneɣni.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

Ayṯ-Ruma 14:1

Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

Ȓexḏayem 18:15

Walakin manaya ḏ lxilaf jarawem kenniw ḏeg wawaȓen ḏ yisemawen ḏ ccariƹa nwem. Ḥellem manaya nniṯ jarawem. Bȓa ma aḏ iȓiɣ nec ḏ ȓqaḍi x ṯmesȓayin-a jarawem."

Ȓexḏayem 8:9

Ḏinni ḏi ṯendint nni ijjen n useḥḥar qqaren-as Simƹan mecḥaȓ zeg wami isxeddam ssḥur. Iseḏhac marra iwḏan n Ayṯ-Samarya, yarra ixef nnes ḏ ameqqran.