1 Timutawus 5:5 - Ṯarifiṯ 2020

⁵ Qa ṯajjaȓṯ n ṣṣaḥ ṯenni war ɣar iǧi ḥadd aqa ḏ nettaṯ iteggen lʼamal nnes ḏi Arebbi tɣima tedƹa Arebbi tettar-as ǧiȓeṯ ḏ nhar.

1 Timutawus 5:5 Referans Kwoze

1 Timutawus 5:3

Weqqar ṯajjaȓin ig iǧan ḏ ṯajjaȓin ḏ ṣṣaḥ.

Luqa 2:37

Ȓexddenni immuṯ netta, ṯeqqim nettaṯ ḏ ṯajjaȓṯ ḥetta wami ṯemmuṯ x arbeƹa u ṯmanin iseggwusa. Tɣima ȓebda ḏi ṯemziḏa ṯameqqrant, ṯƹebbeḏ Arebbi tẓumma tẓaǧa ǧiȓeṯ ḏ wass.

1 Buṭrus 3:5

Ammu iy tuɣa iǧa zzin n lallaṯ n zman srusant lʼamal nsent ḏi Arebbi. Tṭaƹant i iryazen nsent,

1 Timutawus 5:16

Tamɣarṯ ḏ ȓmumna meȓa tiȓint akiḏes can ṯajjaȓin aḏaysent thilla u labud akiḏes qqiment axasent ṯḏebbar. Ṯina, maci ḏ jmaƹeṯ n ȓmuminin axasent tarbu; Lla, aḏ tarbu ɣir x ṯinni iǧan ḏ ṯajjaȓin ḥḏajent ḏ ṣṣaḥ.

1 Ayṯ-Kurinṯ 7:32

Fa rezzuɣ aḏ tiȓim bȓa amnus. Wenni war imȓicen ca ɣares ijjen n lmuhima i ccɣeȓ n Siḏiṯneɣ, mammec ɣa igg axas yarḍa Siḏiṯneɣ.

Luqa 18:1

Issiweȓ akiḏsen Ƹisa s yijjen n ȓmaƹna bac aḏ ssnen belli itxeṣṣa-yasen aḏ tẓaǧen ȓebda war tiḥȓen ca.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

Ayṯ-Ruma 1:12

Iƹni a ncejjeƹ ayawya s lʼiman iy ḏayneɣ icarrcen.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ȓexḏayem 26:7

Ǧiȓeṯ ḏ nhar ṯenƹac n ṯqebbaȓ n Ayṯ-Israʼil ƹebbḏen Arebbi minzi ɣarsen lʼamal ȓƹaheḏ nni aḏ yiȓi. Cuf, a si azeǧiḏ, lʼamal-a netta ḏ ttuhma iy xafi nnan Ayṯ-Israʼil!

Ȓexḏayem 6:1

Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

Ȓexḏayem 9:39

Ikkar Buṭrus iruḥ akiḏsen. Wami yuweḍ sgaƹƹḏen-ṯ ɣar ṯɣurfat nni. Nnḍent-as-d i netta marra ṯajjaȓin, trunt seḍharent-as ičammiren ḏ izeǧuba tuɣa ṯxeyyeḍ Ṭabita wami tuɣa ṯeǧa akiḏsent.

Ȓexḏayem 9:41

Isiɣ-as fus nnes, isekkar-it-id. Iȓaɣa-d i ȓmuminin ṣṣaliḥin ḏ ṯajjaȓin inna-asen aqa ṯeddar.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

1 Timutawus 2:1

Ḏ amezwaru tweṣṣiɣ-kenniw aḏ tettarem i Arebbi aṯ tedƹim aṯ ṭelbem aṯ tcekkarem x marra iwḏan

2 Timutawus 1:3

Tcekkareɣ Arebbi wenni ƹebbḏeɣ zi ȓejḏuḏ inu s yijjen n ḍḍamir iṣfan. Tettareɣ-as i Arebbi xac ǧiȓeṯ ḏ nhar bȓa ma aḏ beddeɣ.