1 Timutawus 5:21 - Ṯarifiṯ 2020

²¹ Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.

1 Timutawus 5:21 Referans Kwoze

2 Buṭrus 2:4

Iwa cuf, qa Arebbi war iḥinn ca x lmalaʼikaṯ wami ṯ ƹṣant, iruḥ iqenn-iṯent s snaseȓ inḍar-iṯent ḏeg yijjen n ṯaǧest ḏ ṯabercant ḏi lʼaxira mani ɣa rajant Yum Lḥisab ḏ Lƹiqab.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

1 Timutawus 6:13

Tweṣṣiɣ-cek zzaṯ i Arebbi wenni iseddaren qaƹ ṯimesȓayin u zzaṯ i Ƹisa Lmasiḥ wenni icehḏen chaḏeṯ nni ṯaṣebḥant zzaṯ i lḥakem Bunṭus Bilaṭus.

Yahuḏa 1:6

Ammu ƹaweḏ iweqƹen i lmalaʼikaṯ nni iy yugin aḏ qqiment ḏi lmarṭaba nsent n ssulṭa semḥent ƹaweḏ ḏi ṯzeddiɣṯ nsent. Min ḏasent igga? Iqqen-iṯent s snaseȓ nni war ifennin ca ƹemmarṣ, ibelleƹ xasent ḏeg yijjen n ṯaǧest ḏ ṯabercant aȓ Lƹiqab n Nhar nni Ameqqran.

2 Timutawus 2:14

Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Ayṯ-Salunik 5:27

Tweṣṣiɣ-kenniw zzaṯ i Siḏiṯneɣ ḥima aḏ tɣarem ṯabrat-a i wawmaṯen marra.

Luqa 20:21

Sseqsan-ṯ nnan-as: "A Lmuƹallim, nessen belli cek ṯeqqareḏ ȓḥaqq ṯseȓmaḏeḏ s ȓḥaqq. War teggeḏ bu uḏemawen, ṯseȓmaḏeḏ s ȓḥaqq mammec ixes Arebbi a nƹic.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Luqa 9:26

Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.