1 Timutawus 5:13 - Ṯarifiṯ 2020

¹³ Ƹaweḏ aḏ dewȓent ḏ ṯimeƹgazin ggurent zi ṯaddarṯ ɣar ṯeddarṯ teggent farq-ccɣeȓ. Maci ḏ ṯimeƹgazin waha, tƹawaḏent ȓexburaṯ taḏfent ḏi ccɣuȓaṯ n midden qqarent ṯimesȓayin war itxeṣṣa ca aḏ twannant.

1 Timutawus 5:13 Referans Kwoze

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Titus 1:11

Yina aqemmum nsen itxeṣṣa-yasen aḏasen itwaqqen. Niṯni mecḥaȓ n lƹaʼilaṯ kemȓent iy sparḏȓen wami ḏasen seȓmaḏen ṯimesȓayin itxeṣṣa-yasen war ḏasen ṯent seȓmiḏen ca, niṯni ḍemmƹen ḏi tmenyaṯ waha.

Ȓexḏayem 20:20

War zzaywem snuffareɣ walu, nec txebbareɣ-kenniw s marra min kenniw ɣa inefƹen. Seȓmaḏeɣ-awem-ṯ zzaṯ i yiwḏan u ƹaweḏ zi ṯeddarṯ ɣar ṯeddarṯ.

Luqa 10:7

Qqimem ḏi ṯeddarṯ nni, ccem swem zi min ɣarsen minzi wenni itbeccaren ɣares ȓḥaqq aḏ itxaȓes. War traḥem ca zi ṯeddarṯ ɣar ṯeddarṯ.

3 Yuḥanna 1:10

S manaya meȓa usiɣ-d nec, aḏ feḍḥeɣ min itegg netta issawaȓ s wawaȓ n ṯubbuhȓiya war iḥȓin ḍed nneɣ. War iqniƹ ca s manayenni, netta itagi aḏ itreḥḥab s wawmaṯen isbedda uȓa ḏ yinni itreḥḥaben zzaysen itazzeȓ xasen zi jmaƹeṯ.

1 Buṭrus 4:15

Ḥḍam akiḏwem yiȓi ijjen jarawem ig itwaƹeddaben minzi inɣa bnaḏem niɣ yucar niɣ ḏ lmujrim niɣ itaḏef ḏi ccɣuȓaṯ n midden.

Yaƹqub 3:10

Wac zeg yijjen n uqemmum iy zi ɣa nsufeɣ ccuker ḏ nnaƹȓeṯ? Lla ay ayṯma, manaya itxeṣṣa war itiȓi ca.

1 Timutawus 5:12

Ammu aḏ twaḥekment minzi semḥent ḏi lwaƹeḏ nsent iy ggint ḏ amezwaru.