1 Timutawus 4:4 - Ṯarifiṯ 2020

⁴ Qa marra min d ixȓeq Arebbi ḏ aṣebḥan. Meȓa neqbeȓ-iṯ neccin s ccuker ataf war ḏayes min ɣa nƹiff.

1 Timutawus 4:4 Referans Kwoze

Ayṯ-Ruma 14:20

War heddem ca ȓxeḏmeṯ n Arebbi ƹlaḥsab lmakla. Ḏ ṣṣaḥ marra min iǧan netta ḥalal, walakin ḏ ȓƹib meȓa ṯɣeḍȓeḏ can yijjen s ssabab n min tetteḏ.

1 Ayṯ-Kurinṯ 10:25

Cceṯ min ma ṯufim itmenza ḏi ssuq n igezzaren, war tseqsam ca jjeṯ ḍḍamir nwem mertaḥ.

Ayṯ-Ruma 14:14

Nec ssneɣ u mteyyqen ḏi Siḏiṯneɣ Ƹisa aqa min nettet war ḏayes bu can ȓḥajeṯ ḥram. Walakin itiȓi ḥram x wenni iy t itwaȓan ḥram.

1 Ayṯ-Kurinṯ 10:23

Marra ṯimesȓayin ḥeǧȓent, walakin maci marra ṯimesȓayin testenfaƹent. Marra ṯimesȓayin ḥeǧȓent, walakin maci marra ṯimesȓayin aḏaneɣ sjehḏent.

Ȓexḏayem 21:25

Walakin ƹlaḥsab ȓmuminin nni war iǧin ca zi Ayṯ-Israʼil, nura-yasen ṯabrat numar-iṯen aḏ beƹƹḏen x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad."

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

Ȓexḏayem 15:29

Iƹni aḏ tbeƹƹḏem x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad. Meȓa ṯbeƹƹḏem x ṯmesȓayin-a wa ataf ṯeggim mliḥ. Akenniw iƹawen Arebbi."

Ȓexḏayem 10:15

Ṯendeq-d ṯmijja nni wis marrṯayen ṯenna-as: "Cek war tḥarram ca min iḥeǧeȓ Arebbi yarri-ṯ ḥalal!"

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

1 Ayṯ-Kurinṯ 10:26

Liʼanna iqqar: <Ṯamurṯ-a nettaṯ ḏ marra min ḏayes n Siḏi Arebbi.>

1 Ayṯ-Kurinṯ 10:30

Meȓa cekkareɣ Arebbi x can lmakla, mayemmi iy ḏayi ɣa ḥasben x manayenni iy zi cekkareɣ Arebbi?