1 Timutawus 3:2 - Ṯarifiṯ 2020

² Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 3:2 Referans Kwoze

2 Timutawus 2:24

Fa axeddam n Siḏiṯneɣ labud war itmenɣi ca s wawaȓ aṭṭas; Itxeṣṣa-as aḏ yiȓi ḍrif ak marra iwḏan, ataf issen aḏ iseȓmeḏ, ataf ɣares ttasiƹ n ȓxaḍar.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

1 Timutawus 5:9

War tejja uȓa ḏ icten aḏ tsejjel ak ṯajjaȓin ɣar lmuƹawana illa meȓa ɣares zi settin iseggwusa aȓ ṯsawent, illa meȓa tuɣa ɣares ijjen n uryaz waha.

1 Buṭrus 4:9

Labud aḏ treḥḥbem zeg wayawya am inewjiwen bȓa ma aḏ tceṯcam.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

Iƹibraniyen 13:2

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

Titus 2:2

Yinni imɣaren aḏaysen yiȓi lmaƹqul, aḏ iȓin mweqqrin, aḏ ḥekmen x ṯnefsiyṯ nsen, aḏ iȓin nican ḏi lʼiman ḏ ȓemḥibbeṯ ḏ ṣṣbar.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

Luqa 1:6

Zakariya ḏ Ilizabet niṯni gguren nican ak Arebbi, uȓ nsen ḏ acemȓaȓ. Teggen marra min yumar ḏ marra min iweṣṣa Siḏi Arebbi.

Luqa 2:36

Tuɣa ḏinni ƹaweḏ ijjen n nnabiya ḏ ṯawessarṯ qqaren-as Ḥanan nettaṯ ḏ yeǧis n Fanwil zi ṯeqbiȓṯ n Ƹacur. Ṯƹic ak uryaz nnes sebƹa iseggwusa.

1 Timutawus 3:8

Amenni ƹaweḏ imsexxaren u labud aḏ iȓin mweqqerin aɣarsen yiȓi wawaȓ, ataf war sessen ca aṭṭas n ccreb war ḍemmƹen ca ḏi ȓewsex n ddunect-a.

1 Timutawus 3:12

Imsexxaren itxeṣṣa u labud aḏ iȓin ḏ iryazen n yijjen n ṯemɣarṯ waha, aḏ ḥekkmen x iḥenjiren ḏ ṯuḏrin nsen mliḥ.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Timutawus 5:22

Ifassen nnec war tqeǧiq ca aṯen tserseḏ x can ḥadd, war carrec ca ḏi ȓmuƹṣiyaṯ n midden. Qqim cek ṯeṣfiḏ.