1 Timutawus 2:8 - Ṯarifiṯ 2020

⁸ Falihaḏa xseɣ iryazen ḏi marra imucan aḏ ẓẓaǧen aḏ ysin ifassen nsen iṣfan ɣar ujenna bȓa ma aḏ tƹeṣṣben bȓa ma aḏ tmenɣan.

1 Timutawus 2:8 Referans Kwoze

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Yaƹqub 4:8

Aḏseṯ ɣar Arebbi, netta aɣarwem d yaḏes. A yinni ixḍan, sirḏeṯ ifassen nwem. A yinni kuȓ ȓaƹqeȓ min ḏawem iqqar, seṣfaṯ uȓawen nwem.

Luqa 24:50

Isufeɣ-iṯen zi ṯendint yuwi-ṯen ɣaȓ Bayt Ƹanya. Isgaƹƹeḏ ifassen nnes ibarek-iṯen.

1 Buṭrus 3:7

Ay iryazen, amenni itxeṣṣa-yawem aḏ teggem ƹaweḏ, aḏ tƹicem ak ṯemɣarin nwem s yijjen n ȓefhameṯ jarawem. Ucem-as lqima i ṯemɣarṯ iǧan nettaṯ am ṯɣerrafṯ itrezzan ḏeɣya minzi ḏ niṯenti itwarraṯen akiḏwem lbaraka n ṯuḏarṯ. Ḥima war ḏinni tiȓi bu can n ȓḥajeṯ aḏ trez ṯẓaǧiṯ nwem.

1 Timutawus 5:14

Iḏen, xseɣ ṯajjaȓin ṯimezyanin aḏ meȓcent aḏ d jjent iḥenjiren aḏ sugurent ṯaddarṯ nsent mliḥ war tejjint bu can lfurṣa i ȓaƹḏu axasent issiweȓ s ȓƹib.

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ȓexḏayem 10:4

Ixzar ḏayes Kurninyus mliḥ iggweḏ inna-as: "A siḏi, min ṯrezzuḏ?" Inna-as lmalak nni: "Qa ṯẓaǧiṯ nnec ḏ ṣṣaḏaqa nnec aqa iqbeȓ-iṯent zzayek Arebbi, netta qa ifqeḏ-icek.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

1 Ayṯ-Kurinṯ 7:7

Rezzuɣ marra iryazen aḏ iȓin am nec. Walakin kuȓ ijjen ɣares ṯizemmar iy ḏas yuca Arebbi, ijjen ɣares ṯin, ijjen ɣares ṯa.

Ȓexḏayem 10:31

Iqqar-ayi-d: A Kurninyus! Qa Arebbi istajeb-ac i ṯẓaǧiṯ nnec, ṣṣaḏaqa nnec ifekkar ḏayes.

Yuḥanna 4:21

Inna-as Ƹisa: "Tiqqa-ayi a ṯamɣarṯ, aḏ d tas ijjen n ȓweqṯ ataf kenniw war ṯƹebbḏem ca Baba uȓa ḏeg uḏrar-a uȓa ḏi Lquds.

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Matta 21:21

Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.

Matta 5:44

Walakin qqareɣ-awem nec: Xseṯ ȓƹaḏyan nwem, ttareṯ i Arebbi x yinni kenniw itƹeddaben,

Matta 6:12

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

Ayṯ-Filippas 1:12

Ay ayṯma rezzuɣ aḏ tessnem min ḏayi iweqƹen, manayenni ḏ ṣṣaḥ ixeddem i Lʼinjil bac aḏ itentacar.

1 Ayṯ-Salunik 1:8

Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.